ترنمول کے ارکان پارلیمنٹ کی بغاوت کے بیچ مہوا موئترا کی یوسف پٹھان پر تنقید

ترنمول کانگریس  رکن پارلیمنٹ مہوا موئترا نے پیر کو بہرام پور کےرکن پارلیمنٹ اور سابق کرکٹر یوسف پٹھان پر پارٹی کے باغی دھڑے کی حمایت کرنے کا الزام لگاتے ہوئے سخت تنقید کی۔ یہ واقعہ پارٹی کے 28 لوک سبھا ممبران پارلیمنٹ میں سے 20 کے الگ دھڑے کی تشکیل کے چند گھنٹے بعد پیش آیا۔

درحقیقت باغی ممبران پارلیمنٹ میں سے ایک کاکولی گھوش نے دعویٰ کیا تھا کہ یوسف پٹھان 20 باغی ممبران پارلیمنٹ میں شامل ہیں اور یہ سبھی این ڈی اے کی حمایت کریں گے۔ اس پیش رفت کے درمیان، کرشن نگر سے لوک سبھا کے رکن موئترا نے، کرکٹر سے سیاست دان بننے پر مرکزی وزیر داخلہ امت شاہ کی طرف سے مبینہ طور پر بلانےکے بعد جلد بازی میں نئی ​​دہلی روانہ ہونے پر تنقید کی۔

مہوا نے لکھا، "ہمارے ضلع نے آپ کو بھاری اکثریت سے فتح دلائی ہے۔ کچھ شرم کرو اور کچھ ہمت دکھائیں۔" موئترا اب تک مغربی بنگال کی سابق وزیر اعلیٰ ممتا بنرجی کے ساتھ مضبوطی سے کھڑی ہیں۔ ٹی ایم سی 1998 میں اپنی تشکیل کے بعد سے بدترین بحران کا سامنا کر رہی ہے۔

پٹھان کچھ دنوں سے خبروں میں ہیں۔ ایک بنگالی روزنامہ نے رپورٹ کیا کہ ٹی ایم سی نے سابق ہندوستانی کپتان سورو گنگولی کی مدد لی تھی تاکہ سابق کرکٹر کو بہرام پور ایم پی کے عہدے سے استعفیٰ دینے پر راضی کیا جاسکے، جس سے بنرجی کے لیے اس سیٹ سے ضمنی انتخاب لڑنے کی راہ ہموار ہوئی۔

رپورٹ کے مطابق، ٹی ایم سی نے بہرام پور کو بنرجی کے لیے ایک محفوظ حلقہ سمجھا، جہاں مسلمان،اس لئےوہ سیٹ پارٹی کے لیے ایک کلیدی حمایتی اڈہ ہے ۔ تاہم، گنگولی نے ان دعوؤں کو صاف طور پر مسترد کر دیا۔ پٹھان نے بعد میں یہ بھی واضح کیا کہ یہ خبر جھوٹی ۔ پٹھان نے 2024 کے لوک سبھا انتخابات میں کانگریس کے تجربہ کار ادھیر رنجن چودھری کو شکست دی تھی، 1990 کی دہائی کے آخر میں پارٹی کی تشکیل کے بعد بہرام پور سے جیتنے والے پہلے ٹی ایم سی امیدوار بن گئے۔