ممبئی: شیوسینا کے ادھو ٹھاکرے دھڑے کو اس وقت دھچکا لگا جب نومنتخب اسپیکر راہل ناوریکر نے اجے چودھری کو شیوسینا کے قائد مقننہ کے عہدے سے برطرف کر دیا۔ چودھری کو برطرف کرنے کا فیصلہ اتوار کی دیر رات لیا گیا۔ اسی کے ساتھ ایکناتھ شندے کو قانون ساز پارٹی قائد کے عہدہ پر بحال کر دیا۔
Published: undefined
اس کے علاوہ چیف وہپ کے طور پر سنیل پربھو کی تقرری منسوخ کر دی گئی ہے اور بھرت گوگاوالے کو ذمہ داری سونپی گئی ہے۔ سنیل پربھو شیو سینا کے ادھو ٹھاکرے دھڑے سے وابستہ ہیں جبکہ بھرت کا تعلق شندے دھڑے سے ہیں۔ اسپیکر نے یہ فیصلہ اسمبلی میں فلور ٹیسٹ سے عین قبل لیا ہے۔
Published: undefined
اسمبلی کے اسپیکر کے انتخاب میں شکست کے بعد شیوسینا کے لیے یہ ایک اور بڑا دھچکا ہے۔ اس فیصلے سے شیوسینا کی قانونی مشکلات میں اضافہ ہو گیا ہے۔ کیونکہ اگر چیف وہپ کے حکم کی خلاف ورزی کی جاتی ہے تو قانون سازوں کو نااہل بھی قرار دیا جا سکتا ہے۔
Published: undefined
خیال رہے کہ گزشتہ روز بی جے پی اور شندے دھڑے کے امیدوار راہل نارویکر نے اسپیکر کے عہدے کے انتخاب میں شیوسینا کے راجن سالوی کو شکست دی۔ نارویکر کو 164 ووٹ حاصل ہوئے جبکہ سالوی کو 107 ووٹ ہی مل سکے۔ آج اسمبلی میں فلور ٹیسٹ ہوگا، جس میں وزیر اعلیٰ ایکناتھ شندے کو اپنی اکثریت ثابت کرنا ہوگی۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined