لوک سبھا انتخابات: کانگریس نے ایم پی، گوا کے لیے 6 امیدواروں کے ناموں کا اعلان کیا

نئی دہلی: کانگریس نے آج مدھیہ پردیش، گوا اور دادرا نگر حویلی میں لوک سبھا انتخابات کے لئے امیدواروں کے ناموں کا اعلان کر دیا۔ کانگریس جنرل سکریٹری کے سی وینوگوپال نے یہ اطلاع دیتے ہوئے کہا کہ پارٹی کی سنٹرل الیکشن کمیٹی نے مدھیہ پردیش کی تین لوک سبھا سیٹوں، گوا کی دو اور دادرا نگر حویلی کی ایک سیٹ پر امیدواروں کا اعلان کیا ہے۔

امیدواروں کے ناموں کی فہرست اس طرح ہے:

گوا: رماکانت کلب کو شمالی گوا لوک سبھا سیٹ کے لیے ٹکٹ دیا گیا ہے اور کیپٹن ویریاٹو فرنانڈس کو جنوبی گوا لوک سبھا سیٹ کے لیے ٹکٹ دیا گیا ہے۔

مدھیہ پردیش: مورینا سے ستیہ پال سنگھ شکاروار (نیتو)، گوالیار سے پروین پاٹھک، کھنڈوا سے نریندر پٹیل

دادر نگر حویلی (درج فہرست قبائل) سے اجیت رام جی بھائی مہلا کو ٹکٹ دیا گیا ہے۔

خیال رہے کہ کانگریس نے اب تک کل 241 امیدواروں کا اعلان کیا ہے۔ اس سے قبل اس نے 13 مختلف فہرستوں میں 235 امیدواروں کا اعلان کیا تھا۔

ملک میں 18ویں لوک سبھا کے لیے انتخابات 19 اپریل سے شروع ہوں گے۔ اس کے بعد چھ مزید مرحلوں میں 26 اپریل، 7 مئی، 13 مئی، 20 مئی، 25 مئی اور یکم جون کو ووٹنگ ہوگی۔ ووٹوں کی گنتی 4 جون کو ہوگی۔