قومی خبریں
بڑی خبر: بھوک ہڑتال کر رہے ہاردک پٹیل اسپتال میں داخل
ہاردک پٹیل کی پارٹی نے گزشتہ روز خدشہ ظاہر کیا تھا کہ جبراً سرکاری اسپتال میں داخل کراکر ان کے لیور، گردے اور دل کے پہلے سے خراب ہونے کی بات کہہ کر حکومت سازش کرسکتی ہے۔
تصویر سوشل میڈیا ہاردک پٹیل کی بھوک ہڑتال کا آج 14واں دن ہے
گجرات کے احمد آباد میں کسانوں کی قرض معافی اور پاٹیدار ریزرویشن کے لئے مطالبہ کو لے کر ہاردک پٹیل کی حالات کافی خراب ہو گئی ہے لہذا انہیں علاج کے لئے اسپتال منتقل کرایا گیا ہے۔ ہاردک پٹیل کی بھوک ہڑتال کا آج 14واں دن ہے اور وہ پانی بھی نہیں لے رہے ہیں۔
پاٹیدار آرکشن آندولن سمیتی (پی اے اے ایس ) کے ترجمان منوج پنارا نے گزشتہ روز کہا تھا کہ حکومت ہاردک کو جبراً سرکاری اسپتال میں داخل کراکر ان کے لیور، گردے اور دل کے پہلے سے خراب ہونے کی بات کہہ کر ان کی صحت کے سلسلے میں سازش کرسکتی ہے۔
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔