مرکزی وزیر صحت منسکھ منڈاویا نے پیر کے روز قومی راجدھانی دہلی میں ڈینگو کی حالت کا جائزہ لیا اور سکریٹری برائے صحت کو مرض کنٹرول اور مینجمنٹ کے لیے اعلیٰ سرگرم معاملے والی ریاستوں میں ماہرین کی ایک ٹیم بھیجنے کی ہدایت دی۔
Published: 01 Nov 2021, 9:40 AM IST
سماج وادی پارٹی کے صدر اور سابق وزیر اعلی اکھلیش یادو نے کہا کہ وہ اتر پردیش میں آئندہ اسمبلی انتخابات نہیں لڑیں گے۔ دراصل، اکھلیش یادو اپنی پوری توجہ اسمبلی انتخابات کی تیاریوں پر لگانا چاہتے ہیں۔ شاید یہی وجہ ہے کہ اکھلیش نے اسمبلی الیکشن نہ لڑنے کا فیصلہ کیا ہے۔
Published: 01 Nov 2021, 9:40 AM IST
بلوچستان: پاکستان میں بلوچستان کے مکران ڈویژن کے پنجگور قصبے میں ایک بم دھماکے میں دو راہگیر ہلاک اور فرنٹیئر کور کے تین اہلکار زخمی ہو گئے۔ ڈان نیوز نے پولیس کے حوالے سے اپنی رپورٹ میں بتایا ہے کہ اتوار کے روز کچھ نامعلوم افراد نے چیتکن بازار کے علاقے میں دھماکہ خیز مواد سے بھری ایک موٹرسائیکل کھڑی کردی اور جیسے ہی فرنٹیئر کور کی گاڑی اس کے قریب پہنچی اسی وقت اس میں ریموٹ کنٹرول سے دھماکہ کر دیا گیا۔ اسپتال کے حکام نے بتایا، "ہمارے یہاں تین لاشوں کے علاوہ، فرنٹیئر کور کے تین زخمی جوانوں کو لایا گیا ہے۔" ایک پولیس افسر کے مطابق اس دھماکہ میں تقریباً 3 کلو گرام دھماکہ خیز مواد کا ستعمال کیا گیا تھا۔ وزیراعلیٰ میر عبدالقدوس بزنجو نےاس واقعے کی مذمت کرتے ہوئے کہا کہ صوبائی حکومت دہشت گردی کے خاتمے کے لیے ایک جامع پالیسی بنائے گی جس میں تمام اسٹیک ہولڈرز کو اعتماد میں لیا جائے گا۔
Published: 01 Nov 2021, 9:40 AM IST
ایل پی جی کے کمرشیل سلنڈر کی قیمتوں میں آج سے 266 روپے کا اضافہ ہوا ہے، دہلی میں 19 کلو کے تجارتی سلنڈر کی قیمت آج سے 2000.50 روپے ہو جائے گی، جو پہلے 1734 روپے تھی۔ گھریلو ایل پی جی سلنڈر کی قیمت میں کوئی اضافہ نہیں کیا گیا ہے۔
Published: 01 Nov 2021, 9:40 AM IST
ملک کے عوام پر مہنگائی کی مار جاری ہے۔ پٹرول-ڈیزل کے دام ایک بار پھر بڑھے ہیں۔ آج دونوں کی قیمتوں میں 35-35 پیسے کا اضافہ ہوا ہے، اب کئی جگہوں پر پٹرول کی قیمتیں 115 روپئے یا اس سے بھی زیادہ ہوگئیں ہیں۔ بتادیں کہ اکتوبر ماہ میں پٹرول- ڈیزل کی قیمتوں میں تقریباً 25 بار اضافہ ہوا ہے۔
Published: 01 Nov 2021, 9:40 AM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 01 Nov 2021, 9:40 AM IST
تصویر: محمد تسلیم