بی سی سی آئی نے ان خبروں کی بالآخر تصدیق کر دی جس میں کہا جا رہا تھا کہ چوٹ کی وجہ سے ہندوستانی تیز گیندباز جسپریت بمراہ ٹی-20 عالمی کپ سے باہر ہو گئے ہیں۔ آج بی سی سی آئی نے جانکاری دیتے ہوئے بتایا کہ بی سی سی آئی میڈیکل ٹیم نے ماہرین کے ساتھ بات چیت کے بعد جسپریت بمراہ کے ٹی-20 عالمی کپ سے باہر ہونے کی اطلاع دی۔ بمراہ پہلے ہی جنوبی افریقہ کے خلاف جاری تین ٹی-20 میچز کی سیریز سے بھی باہر ہو چکے ہیں۔
Published: 03 Oct 2022, 9:17 AM IST
افغانستان کے کابل میں ایک بار پھر خودکش بم دھماکہ کی خبریں موصول ہو رہی ہیں۔ میڈیا رپورٹس کے مطابق کابل میں ایک کلاس روم میں خودکش بم دھماکہ کے سبب 46 بچیوں اور عورتوں سمیت 53 افراد ہلاک ہو گئے ہیں۔
Published: 03 Oct 2022, 9:17 AM IST
دہلی میں گزشتہ ایک ہفتے میں ڈینگو کے 412 کیس رپورٹ ہوئے ہیں۔ ستمبر کے مہینے میں کل 693 کیسز رپورٹ ہوئے ہیں۔ 2022 میں اب تک 937 کیسز رپورٹ ہوئے ہیں، حالانکہ اب تک ڈینگی سے کوئی موت نہیں ہوئی ہے۔
Published: 03 Oct 2022, 9:17 AM IST
سری نگر: شمالی کشمیر کے ضلع بارہمولہ کے پٹن علاقے میں پیر کو مشتبہ ملی ٹنٹوں کے حملے میں ایک غیر مقامی بینک منیجر بال بال بچ گیا۔ ذرائع نے بتایا کہ بارہمولہ کے گوشہ بگ پٹن علاقے میں پیر کو مشتبہ ملی ٹنٹوں نے گرامین بینک کے غیر مقامی منیجر پر حملہ کر دیا۔ انہوں نے کہا کہ بینک منیجر اس حملے میں بغیر کوئی نقصان پہنچے بچ گیا۔ دریں اثنا پولیس نے واقعے کی تصدیق کی ہے۔
Published: 03 Oct 2022, 9:17 AM IST
مرکزی الیکشن کمیشن نے 6 ریاستوں کی 7 اسمبلی سیٹوں کے لیے ضمنی انتخابات کا اعلان کیا ہے۔ ان تمام نشستوں کے لیے ووٹنگ 3 نومبر کو ہوگی اور نتائج کا اعلان 6 نومبر کو کیا جائے گا۔ یہ سیٹیں مہاراشٹر، بہار، ہریانہ، تلنگانہ اور اتر پردیش کی ہیں۔
Published: 03 Oct 2022, 9:17 AM IST
ممبئی: کرنسی ایکسچینج میں ہندوستانی روپیہ پیر کے روز امریکی ڈالر کے مقابلے میں 48 پیسے کی گراوٹ کے ساتھ فی ڈالر 81.81 روپے کی سطح پر آگیا۔ فارن ایکسچینج کے ڈیلر نے بتایا کہ بینکروں اور درآمد کنندگان کی طرف سے امریکی ڈالر کی بڑھتی ہوئی طلب کے دباؤ میں ہندوستانی روپیہ کی قدر میں یہ گراوٹ درج ہوئی ہے۔ شیئر بازار میں کمزور اوپننگ کے درمیان دیگر عالمی کرنسیوں کے مقابلے میں امریکی ڈالر کی مضبوطی کی وجہ سے مقامی روپیہ یونٹ کو کمزور دیکھا گیا۔ کاروبار کے دوران اب تک روپیہ کی قدر میں بالترتیب 81.78 اور 81.84 کی اعلی اور اقل سطح درج کی گئی ہے۔
Published: 03 Oct 2022, 9:17 AM IST
بھدوہی: یوپی کے بھدوہی میں ایک دردناک حادثہ سامنے آیا ہے۔ اطلاعات کے مطابق درگا پوجا کے پنڈال میں زبردست آگ کے لگنے سے 3 افراد ہلاک ہو گئے ہیں۔ جبکہ اس حادثے میں 64 افراد جھلس گئے ہیں۔ شدید جھلسنے والے 42 لوگوں کو وارانسی میں داخل کرایا گیا ہے۔ جھلسنے والوں میں زیادہ تر خواتین اور بچے شامل ہیں۔
Published: 03 Oct 2022, 9:17 AM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 03 Oct 2022, 9:17 AM IST