مدھیہ پردیش میں ایک بی جے پی لیڈر کے ذریعہ ٹول کاؤنٹر پر خاتون ملازم کے ساتھ بدتمیزی اور مار پیٹ کا معاملہ سامنے آیا ہے۔ اس واقعہ کی ایک ویڈیو انڈین یوتھ کانگریس نے اپنے ٹوئٹر ہینڈل پر شیئر کی ہے اور لکھا ہے ’’مدھیہ پردیش میں اقتدار میں چور بی جے پی لیڈر کی غنڈہ گردی! لال قلعہ کی فصیل سے وزیر اعظم نے کیا خاتون کے لیے اسی عزت کی بات کہی تھی؟‘‘ بتایا جاتا ہے کہ خاتون نے بی جے پی لیڈر سے ٹول مانگا تھا جس پر وہ غصہ میں آ گیا اور ہاتھ چلا دیا۔
Published: 22 Aug 2022, 9:40 AM IST
بہار کی پٹنہ پولیس نے وزیر اعلیٰ نتیش کمار کے قافلے پر پتھراؤ کے الزام میں پیر کے روز 13 لوگوں کو گرفتار کر لیا ہے۔ پولیس نے کہا کہ 23 مزید لوگوں کی شناخت کی گئی ہے اور انھیں بھی جلد ہی گرفتار کر لیا جائے گا۔ پٹنہ کے گوری چک تھانہ حلقہ کے سوگہی گاؤں میں پتھراؤ کا یہ واقعہ پیش آیا تھا۔
Published: 22 Aug 2022, 9:40 AM IST
کسان مہاپنچایت کے لیے دہلی کے جنتر منتر پر پہنچ گئے ہیں۔ اس دوران ایک طرف دہلی میں کئی مقامات پر ٹریفک جام ہے تو دوسری طرف دہلی-یوپی سرحد غازی پور میں احتجاج کرنے والے کسانوں کو حراست میں لیا جا رہا ہے۔
Published: 22 Aug 2022, 9:40 AM IST
دہلی کے نائب وزیر اعلیٰ منیش سسودیا نے ٹوئٹ کر الزام لگایا ہے کہ بی جے پی نے انہیں اپنی پارٹی میں شامل ہونے کی دعوت دی ہے۔ انہوں نے لکھا، ’’تمام سی بی آئی، ای ڈی کیس بند کر دیں گے۔‘‘
Published: 22 Aug 2022, 9:40 AM IST
بیکانیر: راجستھان کے بیکانیر میں زلزلے کے جھٹکے محسوس کیے گئے ہیں۔ محکمہ موسمیات کے مطابق اتوار دیر شب تقریباً دو بجے آنے والے زلزلے کی شدت ریکٹر اسکیل پر 4.1 ریکارڈ کی گئی ہے۔ زلزلے کا مرکز بیکانیر سے 236 کلومیٹر شمال مغرب میں پاکستان میں ریکارڈ کیا گیا۔ زلزلے کے دوران نیند میں ہونے کی وجہ سے زیادہ تر لوگ اسے محسوس نہیں کر سکے۔ تاہم کہیں سے کسی قسم کے نقصان کی کوئی خبر نہیں ہے۔
Published: 22 Aug 2022, 9:40 AM IST
دہلی پولیس نے جنتر منتر پر کسانوں کے احتجاج کی کال کے پیش نظر قومی راجدھانی میں سنگھو سرحد پر سیکورٹی بڑھا دی ہے۔ دہلی پولیس نے کسی بھی ناخوشگوار واقعے سے بچنے کے لیے سخت حفاظتی انتظامات کیے ہیں۔ سنگھو بارڈر پر ہر شخص اور ہر گاڑی کی چیکنگ کی جا رہی ہے۔
Published: 22 Aug 2022, 9:40 AM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 22 Aug 2022, 9:40 AM IST