مودی حکومت مہنگائی سے متعلق سوالوں پر راہِ فرار کیوں اختیار کر رہی! اپوزیشن کا مظاہرہ جاری

مانسون اجلاس میں مہنگائی کے ایشو پر ہنگامہ جاری ہے۔ گزشتہ کئی دنوں سے ایوان میں مہنگائی کا ایشو چھایا ہوا ہے۔ اپوزیشن کا الزام ہے کہ حکومت مہنگائی سمیت کئی ایشوز پر جواب دینے سے راہِ فرار اختیار کر رہی ہے۔ آج پھر پارلیمنٹ احاطہ میں مہاتما گاندھی کے مجسمہ کے سامنے مہنگائی کے ایشوز کو لے کر کانگریس اراکین پارلیمنٹ سمیت اپوزیشن لیڈروں نے احتجاجی مظاہرہ کیا۔

بدھ کو بھی اپوزیشن نے پارلیمنٹ کے دونوں ایوانوں مین مہنگائی اور بڑھی ہوئی جی ایس ٹی کے خالف جم کر مظاہرہ اور نعرے بازی کی۔ اپوزیشن کے ہنگامہ کے بعد بدھ کو دونوں ایوانوں کو ملتوی کرنا پڑا تھا۔ کانگریس سمیت اپوزیشن پارٹیاں مہنگائی کے ایشو کو دونوں ایوانوں میں زور و شور سے اٹھا رہی ہیں۔ ان دنوں تقریباً سبھی اپوزیشن پارٹیوں کے اراکین پارلیمنٹ اپنی بات کہتے ہوئے ’مہنگائی ڈائن کھائے جات ہے‘گیت کا استعمال کر رہے ہیں۔