سوشانت سنگھ کی موت کے بعد پورے معاملے کی تفتیش کر رہی باندرہ پولس نے میڈیا کو بتایا ہے کہ اس سلسلے میں 15 لوگوں کا بیان درج ہو چکا ہے۔ ممبئی کے ڈی سی پی زون 9 ابھشیک تریموکھے نے جانکاری دیتے ہوئے بتایا کہ تحقیقات کر رہے افسر کو سوشانت سنگھ اور یش راج بینر کے درمیان ہوئے معاہدے کی کاپی بھی مل گئی ہے۔
Published: 20 Jun 2020, 8:40 AM IST
ریاست اتر پردیش میں کورونا کے بڑھتے معاملوں کے درمیان تازہ اعداد و شمار جاری کیے گئے ہیں۔ اس کے مطابق گزشتہ 24 گھنٹے میں کورونا انفیکشن کے 592 نئے معاملے سامنے آئے ہیں جس سے ریاست میں مریضوں کی مجموعی تعداد 6237 ہو گئی ہے۔ اتر پردیش میں مہلوکین کی مجموعی تعداد 529 ہے۔
Published: 20 Jun 2020, 8:40 AM IST
مہاراشٹر میں بڑھتے کورونا انفیکشن کے درمیان اچھی بات یہ ہے کہ پولس اہلکاروں کی ہلاکتوں کی تعداد کم ہو گئی ہے۔ گزشتہ 48 گھنٹے میں صرف ایک پولس اہلکار کی اس انفیکشن سے موت ہوئی ہے اور 140 نئے معاملے سامنے آئے ہیں۔ اس طرح مہاراشٹر پولس ڈپارٹمنٹ میں کورونا پازیٹو معاملوں کی مجموعی تعداد بڑھ کر 3960 ہو گئی ہے اور مجموعی اموات کی تعداد 46 پہنچ گئی ہے۔
Published: 20 Jun 2020, 8:40 AM IST
کانگریس جنرل سکریٹری پرینکا گاندھی نے ایک ٹوئٹ کیا ہے جس میں گورکھ پانڈے کے ذریعہ لکھی گئی ایک نظم کو شیئر کرتے ہوئے سرحد پر ہندوستانی فوجیوں کی شہادت کو لے کر پی ایم مودی کو تنقید کا نشانہ بنایا ہے۔ اس کے ساتھ ہی انھوں نے چین معاملہ پر راج ناتھ سنگھ اور پی ایم مودی کے بیان پر مبنی ایک ویڈیو ٹیگ کیا ہے۔ پرینکا گاندھی نے جو نظم شیئر کیا ہے وہ اس طرح ”راجہ بولا رات ہے، رانی بولی رات ہے، منتری بولا رات ہے، سنتری بولا رات ہے، یہ صبح صبح کی بات ہے“
Published: 20 Jun 2020, 8:40 AM IST
ریاست جھارکھنڈ سے ایک اچھی خبر یہ سامنے آ رہی ہے کہ اس ریاست کے 24 اضلاع میں سے 6 اضلاع کورونا سے پاک ہو گئے ہیں۔ یہاں فی الحال کورونا کا کوئی سرگرم معاملہ نہیں ہے۔ قابل ذکر یہ بھی ہے کہ کورونا انفیکشن مریضوں کے صحت مند ہونے کی رفتار بھی جھارکھنڈ میں ہندوستان کے مقابلے 15 فیصد زیادہ ہے۔
Published: 20 Jun 2020, 8:40 AM IST
مدھیہ پردیش میں کل راجیہ سبھا انتخاب ہوئے تھے جس میں ووٹنگ کرنے والے ایک بی جے پی رکن اسمبلی میں کورونا انفیکشن کی تصدیق ہوئی ہے۔ میڈیا ذرائع سے موصول ہونے والی خبروں کے مطابق بی جے پی رکن اسمبلی کا کورونا ٹیسٹ کرایا گیا تھا جس کا ریزلٹ آ گیا ہے اور وہ پازیٹو ہے۔
Published: 20 Jun 2020, 8:40 AM IST
ہندوستان میں کورونا انفیکشن کی تباہی جاری ہے اور روزانہ نئے معاملے ریکارڈ قائم کر رہے ہیں۔ سرکار کے ذریعہ جاری تازہ اعداد و شمار کے مطابق گزشتہ 24 گھنٹے کے دوران کورونا انفیکشن کے 14516 نئے معاملے سامنے آئے ہیں اور اس دوران 375 لوگوں کی اموات بھی ہوئی ہیں۔ اس طرح ملک میں مجموعی طور پر کورونا مریضوں کی تعداد 395048 ہو گئی ہے۔ کورونا سے ہلاک ہونے والوں کی مجموعی تعداد بھی تیزی کے ساتھ بڑھ رہی ہے اور اس وقت یہ تعداد 12948 ہے۔
Published: 20 Jun 2020, 8:40 AM IST
ہندوستان اور چین کے درمیان چل رہے زمین تنازعہ کے درمیان پرتشدد تصادم میں ہندوستانی فوج کے 20 جوانوں کے شہید ہونے پر ملک بھر میں غصہ ہے۔ اس تعلق سے راہل گاندھی لگاتار مرکزی حکومت سے سوال کر رہے ہیں۔ آج ایک بار پھر انھوں نے مودی حکومت سے ٹوئٹر پر سوال پوچھا ہے کہ ”پی ایم نے چینی حملہ کے بعد ہندوستانی علاقہ کی سپردگی کر دی۔ اگر زمین چینی کی تھی تو ہمارے فوجی کیوں مارے گئے؟ وہ کہاں مارے گئے؟“
Published: 20 Jun 2020, 8:40 AM IST
لاطینی امریکی ملک برازیل میں عالمی وبائی مرض کورونا وائرس سے گذشتہ 24 گھنٹوں کے دوران متاثرین کے 54،771 نئے کیسزسامنے آنےکے ساتھ ہی مریضوں کی تعداد 10 لاکھ سے متجاوز کر کے یہ تعداد 10،32،913 ہوگئی ہے۔ برازیل کی وزارت صحت کی جانب سے جمعہ کو دیر رات گئے جاری کردہ اعداد و شمار کے مطابق ملک برازیل میں ہلاک شدگان کی تعداد گذشتہ 24 گھنٹوں کے دوران 48 ہزارمیں مزید 1206 افرادکی ہلاکت کے بعد 48،954 ہوگئی ہے۔ برازیل میں پچاس لاکھ سے زائد افراد کورونا وائرس سے پوری طرح صحتیاب ہو چکے ہیں۔
دوسری طرف میڈیا ذرائع سے موصول ہو رہی خبروں کے مطابق جنوبی کوریا میں کورونا انفیکشن کی دوسری لہر کا آغاز ہو چکا ہے۔ جنوبی کوریا کو کورونا سے پاک قرار دیا جا رہا تھا لیکن گزشتہ کچھ دنوں سے نئے کیسز سامنے آنے کے بعد ایسا محسوس ہو رہا ہے جیسے یہاں کورونا نے ایک بار پھر پیر پسارنا شروع کر دیا ہے۔
Published: 20 Jun 2020, 8:40 AM IST
ڈیزل اور پٹرول کی قیمت میں اضافہ کا سلسلہ رکنے کا نام نہیں لے رہا ہے۔ آج لگاتار 14ویں دن تیل کی قیمتوں میں اضافہ کیا گیا۔ دہلی میں آج پٹرول کی قیمت میں 51 پیسے جب کہ ڈیزل کی قیمت میں 61 پیسے فی لیٹر کا اضافہ کیا گیا ہے۔ اس طرح دیکھا جائے تو 9 جون کے بعد سے ہندوستان کی راجدھانی دہلی میں پٹرول کی قیمت فی لیٹر 5.88 روپے بڑھ گئی ہے اور ڈیزل کی قیمت میں 6.50 روپے فی لیٹر کا اضافہ ہو چکا ہے۔
Published: 20 Jun 2020, 8:40 AM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 20 Jun 2020, 8:40 AM IST
تصویر: پریس ریلیز