تھرواننت پورم: کیرالہ میں کورونا وائرس سے متاثر ہونے کے شبہ کے پیش نظر 3,014 لوگوں کو طبی نگرانی میں رکھا گیا ہے حالانکہ گزشتہ چار دنوں میں ریاست میں وائرس کے کسی نئے معاملہ کی تصدیق نہیں ہوئی ہے۔
Published: undefined
نگرانی میں رکھے گئے 3,014 لوگوں میں سے 61 لوگوں کو ریاست کے مختلف اسپتالوں میں الگ سے بنائے گئے وارڈوں میں رکھا گیا ہے۔ محکمہ صحت کے ذرائع نے سنیچر کو یہ اطلاع دی۔ ذرائع نے بتایا کہ جانچ کے لئے 285 خون کے نمونے وائرولوجی انسٹی ٹیوٹ بھیجے گئے تھے جن میں سے 261 کے نتائج آگئے ہیں اور ان کی رپورٹ نگیٹیو ہے۔
Published: undefined
اس درمیان کیرالہ کی وزیر صحت کے کے شیلجا نے سنیچر کو کہا کہ گزشتہ کچھ دنوں میں ریاست میں کورونا وائرس کا کوئی نیا معاملہ سامنے نہیں آیا ہے۔ اس لئے ریاستی حکومت نے ’ریاستی آفت‘ کا اعلان واپس لے لیا ہے۔ اس سے پہلے کیرالہ میں کورونا وائرس کے تین معاملات کی تصدیق ہونے کے بعد تین فروری کو ریاستی حکومت نے اسے ’ریاستی آفت‘ قرار دیا تھا۔
Published: undefined
ہندوستان میں کورونا وائرس کے جو تین مثبت واقعات رپورٹ ہوئے ہیں وہ تمام کیرالہ کے تھرسور، الاپوجھا اور کسارگوڈ اضلاع سے تھے اور وہ سب کیرالہ کے طالب علم تھے۔ ان میں سے دو ووہان یونیورسٹی کے میڈیکل اسٹوڈنٹ ہیں۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined