سری نگر: وادی کشمیر میں گذشتہ تین روز سے بالائی علاقوں میں برف باری جبکہ میدانی علاقوں میں بارشوں کا سلسلہ وقفہ وقفہ سے جاری ہے۔ ادھر محکمہ موسمیات کی پیش گوئی کے مطابق وادی کشمیر میں 18 اپریل تک موسم کی صورتحال جوں کی توں رہنے کا امکان ہے۔
متعلقہ محکمے کے ایک ترجمان کے مطابق وادی میں 18 اپریل تک موسلا دھار بارشیں ہونے کی توقع ہے۔ انہوں نے بتایا کہ 19 اپریل کو موسم خشک رہ سکتا ہے تاہم 20 سے 22 اپریل تک موسم ایک بار پھر خراب ہوسکتا ہے جس کے باعث موسلا دھار بارشیں ہونے کا امکان ہے۔
Published: undefined
موصوف ترجمان کے مطابق گرمائی دارلحکومت سری نگر میں کم سے کم درجہ حرارت 8.0 ڈگری سینٹی گریڈ ریکارڈ کیا گیا۔ وادی کے مشہور ترین سیاحتی مقام گلمرگ میں کم سے کم درجہ حرارت 1.0 ڈگری سینٹی گریڈ ریکارڈ کیا گیا جبکہ وادی کے دوسرے مشہور سیاحتی مقام پہلگام میں کم سے کم درجہ حرارت 3.4 ڈگری سینٹی گریڈ ریکارڈ ہوا ہے۔
سرحدی ضلع کپوارہ میں کم سے کم درجہ حرارت 6.3 ڈگری سینٹی گریڈ ریکارڈ کیا گیا جبکہ کشمیر کے گیٹ وے ٹاؤن سے جانے والے قصبہ قاضی گنڈ میں کم سے کم درجہ حرارت 7.4 ڈگری سینٹی گریڈ ریکارڈ کیا گیا۔ جنوبی کشمیر کے ککرناگ میں کم سے کم درجہ حرارت 6.0 ڈگری سینٹی گریڈ ریکارڈ ہوا ہے۔
Published: undefined
دریں اثنا وادی میں جمعے کے روز بھی رک رک بارشوں کا سلسلہ جاری ہے تاہم آفتاب نے بھی بادلوں کے اوٹ باہر نکلنے کی کئی کوششیں کیں۔
گذشتہ چند دنوں سے جاری بارشوں کے باعث وادی کے شہر و گام کی سڑکیں ایک بار پھر زیر آب آئی ہیں جس سے لوگوں بالخصوص بچوں، خواتین اور عمر رسیدہ افراد کا چلنا پھرنا از بس مشکل بن گیا ہے۔لوگوں کا کہنا ہے کہ سڑکیں پانی اور کیچڑ سے بھری ہوئی ہیں جن پر چلنا مشکل ہی نہیں بلکہ خطرناک بھی بن گیا ہے۔
Published: undefined
ان کا کہنا ہے کہ سڑکوں پر ہوئے گہرے گڑھے اور ناقص ڈرینیج سسٹم کی وجہ سے سڑکیں، سڑکیں کم جھیل جھرنے زیادہ نظر آتی ہیں۔
وادی میں بارشوں کے باعث سردی میں قدرے اضافہ درج ہونے سے لوگ ایک بار پھر گرم لباس میں ملبوس نظر آ رہے ہیں۔ سردی سے بچنے کے لئے لوگ کانگڑیوں کا بھی استعمال کر رہے ہیں اور دفاتر، دکانوں اور دیگر کام کی جگہوں پر گرمی کے الیکٹرک آلات جیسے ہیٹروں کا استعمال بھی کیا جا رہا ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: محمد تسلیم