سری نگر: سری نگر کے مضافاتی علاقہ لاوے پورہ میں گزشتہ ہفتے ہونے والے حملے کا ایک اور زخمی سی آر پی ایف اہلکار ہسپتال میں دم توڑ گیا ہے جس کے ساتھ اس حملے میں جاں بحق ہونے والے اہلکاروں کی تعداد بڑھ کر تین ہو گئی ہے۔
Published: undefined
سرکاری ذرائع نے بتایا کہ زخمی سی آر پی ایف کانسٹیبل جگ ناتھ رائے پیر کو سری نگر کے شیر کشمیر انسٹی چیوٹ آف میڈیکل سائنسز میں زخموں کی تاب نہ لاتے ہوئے دم توڑ گئے۔ حملہ آوروں نے مذکورہ سی آر پی ایف اہلکار سے ان کی سروس اے کے 47 رائفل بھی چھین لی تھی۔
Published: undefined
واضح رہے کہ جنگجوئوں نے 25 مارچ کو لاوے پورہ میں تعینات سی آر پی ایف کی ایک روڈ اوپننگ پارٹی (آر او پی) پر نزدیک سے فائرنگ کی جس کے نتیجے میں چار اہلکار زخمی ہوئے جن میں ایک افسر سمیت دو اہلکار اسی دن زخموں کی تاب نہ لاتے ہوئے دم توڑ گئے۔
Published: undefined
کشمیر زون پولیس کے انسپکٹر جنرل وجے کمار نے اگلے دن یعنی 26 مارچ کو کہا کہ لاوے پورہ جنگجو حملے میں ملوث دو جنگجو اعانت کاروں کو گرفتار اور اس حملے میں استعمال ہونے والی کار کو ضبط کیا گیا ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: پریس ریلیز
تصویر: محمد تسلیم