سنجے سنگھ کی عدالتی تحویل میں 21 دسمبر تک توسیع

دہلی کی خصوصی عدالت نے پیر کے روز انسداد منی لانڈرنگ ایکٹ (پی ایم ایل اے) کے تحت دہلی ایکسائز پالیسی گھوٹالہ میں زیر حراست راجیہ سبھا کے رکن پارلیمنٹ اور عام آدمی پارٹی (اے اے پی) کےرہنما سنجے سنگھ کی عدالتی تحویل میں 21 دسمبر تک توسیع کر دی۔ کا الزام۔ خصوصی جج ایم کے ناگپال نے دلائل سننے کے بعد مسٹر سنجے سنگھ کی عدالتی حراست میں 10 دن کی توسیع کر دی۔

واضح رہے کہ انفورسمنٹ ڈائریکٹوریٹ (ای ڈی) نے الزام لگایا ہے کہ سنجے سنگھ اور ان کے ساتھیوں نے 2020 میں شراب کی دکانوں اور تاجروں کو لائسنس دینے کے دہلی حکومت کے فیصلے میں کردار ادا کیا تھا، جس سے سرکاری خزانے کو نقصان پہنچا اور انسداد بدعنوانی قوانین کی خلاف ورزی ہوئی۔

مسٹر سنجے سنگھ کو انفورسمنٹ ڈائریکٹوریٹ نے 04 اکتوبر کو گرفتار کیا تھا اور وہ اس وقت تہاڑ جیل میں عدالتی حراست میں ہیں۔ تحقیقات کے بعد ای ڈی نے مسٹرسنجے سنگھ اور ان کے مبینہ ساتھی سرویش مشرا کے خلاف 02 دسمبر کو ایک ضمنی چارج شیٹ داخل کی تھی۔ واضح رہے کہ دہلی کی موجودہ حکومت میں  رہے   نائب وزیر اعلی منیش سسودیا بھی اسی معاملے میں گزشتہ کئی ماہ سے حراست میں ہیں اور ان کی ضمانت نہیں ہوئی ہے۔