اسلام آباد (ایجنسی): پاکستان نے ہندوستان کا اندرونی ’بابری مسجد‘ معاملہ اٹھاتے ہوئے کہا ہے کہ اسے امید ہے کہ اس کیس کے فیصلے میں ہندوستانی مسلمانوں کے جذبات کو بھی مدنظر رکھا جائے گا۔ پاکستان نے یہ بھی کہا ہے کہ وہ ہندوستان کی طرف سے دریاؤں کا پانی کا بہاؤ روکنے کی کسی بھی کوشش کو ایک ’جارحانہ اقدام‘ کے طور پر دیکھا جائے گا۔
Published: undefined
پاکستانی میڈیا میں شائع ہونے والی رپورٹ کے مطابق، پاکستان کی وزارت خارجہ کے ترجمان ڈاکٹر محمد فیصل نے جمعرات کو ہفتہ وار پریس بریفنگ میں کہا کہ بابری مسجد کیس انتہائی حساس معاملہ ہے۔ امید ہے کہ ہندوستانی مسلمانوں کی خواہشات کے مطابق اس معاملے میں فیصلہ لیا جائے گا۔ ہندوستانی اقلیتوں کو ان کے حقوق ملنے چاہئیں۔
Published: undefined
ترجمان نے کہا کہ پاکستان کو تین مغربی دریاؤں پر پاکستان کو حق حاصل ہے اور ان کے پانی کے بہاؤ کو موڑنے کی کوئی بھی کوشش ’جارحانہ اقدام‘ کے طور پر دیکھی جائے گی اور اسے اس کا جواب دینے کا حق ہوگا۔
Published: undefined
ترجمان نے یہ بات ہندوستانی وزیر اعظم نریندر مودی کے دریاؤں کے پانی کو پاکستان جانے سے روکنے کے حوالہ سے دیئے گئے بیان پر پوچھے گئے سوال کے جواب میں کہی۔ ترجمان نے کہا کہ اس معاملے پر معاہدوں کے مطابق ندیوں کا بہاؤ جاری رکھا جانا چاہئے۔
Published: undefined
فیصل نے مسئلہ کشمیر پر بھی بات کی اور کہا ، ’’5 اگست کا فیصلہ (جموں و کشمیر کو حاصل خصوصی حیثیت کو ختم کرنا) ہندوستان کو ایک ایسی بند گلی میں لے گیا ہے جہاں سے اسے واپس جانے کا راستہ نہیں مل رہا ہے۔‘‘ وہ دیوار سے ٹکرا گیا ہے، وہ تنہا پڑ گیا ہے اور سمجھ نہیں پا رہا کہ وہ اس سے باہر کس طرح سے نکلے۔‘‘
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined