یوتھ کانگریس کے صدر شری نیواس بی وی نے کہا ہے کہ حکومت دہلی کی سرحدوں پر تحریک کرنے والے کسانوں کو نظر انداز کر رہی ہے جس کے سبب 60 سے زیادہ کسان شہید ہو چکے ہیں اور ان کی تحریک شہیدوں کے اعزاز میں ملک کے ہر ضلع سے مٹھی بھر مٹی لا کر انھیں خراج عقیدت پیش کرے گا۔
Published: undefined
شری نیواس نے ہفتے کے روز کانگریس ہیڈکوارٹر میں منعقد پریس کانفرنس میں کہا کہ ان کے اہلکار ملک کے ہر ضلع میں جائیں گے اور وہاں سے ’اَن داتا‘ کے اعزاز میں ایک مٹھی مٹی لے کر دہلی آئیں گے اور اس سے شہید کسانوں کو خراج عقیدت پیش کیا جائے گا۔
Published: undefined
انہوں نے کہا کہ مٹی کے یہ لال اپنے حقوق کی لڑائی دہلی کی سرحد پر لڑ رہے ہیں اور کڑاکے کی سردی میں جد و جہد کرتے ہوئے حکومت سے کسان مخالف تینوں قوانین واپس لینے کا مطالبہ کر رہے ہیں لیکن حکومت ان کی نہیں سن رہی ہے۔
Published: undefined
یوتھ کانگریس کے انچارج کرشنا الّاورو نے کہا کہ مٹھی بھر مٹی کے ذریعے یہ پیغام دیا جائے گا کہ کسانوں کے خلاف کسی تحریک کو تھوپنے نہیں دیا جائے گا اور جب تک یہ قوانین واپس نہیں ہوتے ہیں تو کسان اپنی تحریک جاری رکھیں گے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined