ملک کی آزادی میں اپنے بزرگوں کی قربانی کو یاد کرتے ہوئے انڈیا اسلامک کلچرل سنٹر کے صدر سراج قریشی نے کہا ہےکہ ہمارے بزرگوں کی برسوں کی ایثار وقربانی کے نتیجے میں ہم آج آزادی کی فضا میں سانس لے رہے ہیں۔ یہ بات انہوں نے یوم آزادی کے موقع پر انڈیا اسلامک کلچرل سنٹر میں ترنگا جھنڈ لہراتے ہوئے کہی۔
Published: undefined
ترنگا لہرانے کے بعد انہوں نے کہاکہ جنگ آزادی میں ہمارے لوگوں نے لاکھوں کی تعداد میں اپنی جان کا نذرانہ پیش کیا ہے، جیل کی صعوبتوں کو جھیلا ، کالاپانی کی سزا کاٹی تب جاکر ہمیں یہ آزادی کی بیش بہا نعمت نصیب ہوئی ہے۔ انہوں نے کہاکہ نہ صرف آزادی کا احترام کرنا چاہئے بلکہ مجاہدین آزادی کے کارناموں کو نئی نسل کو واقف کرانا چاہئے تاکہ وہ اپنے بزرگوں کی قربانی کو یاد رکھیں۔ انہوں نے کہاکہ وہ قوم کبھی ترقی نہیں کرسکتی جو اپنے بزرگوں کی قربانی کو بھول جائے۔
Published: undefined
مسٹر سراج قریشی نے کہاکہ انڈیا اسلامک کلچرل سنٹر تہذیب کا گہوارہ ہے اور امن و آشَتی اور قومی یکجہتی کی شناخت ہے۔ یہاں ملک کی ترقی کی بات کی جاتی ہے، ملک میں اتحاد و اتفاق اور بھائی چارہ کو فروغ دیا جاتا ہے۔انہوں نے کہاکہ اس کورونا عہد میں بہت سے لوگوں نے اپنوں کو کھویا ہے اور انہوں نے خدا کی دعا کی کہ اس کورونا عہد کا جلد خاتمہ ہو یہاں کے عوام معمول کے مطابق اپنی زندگی جی سکیں۔
Published: undefined
انڈیا اسلامک کلچرل سنٹر میں ترنگا لہرانے کے موقع پر اسلامک کلچرل سنٹر کے سکریٹری بدرالدین خاں، مسٹر ابرار احمد بورڈ آف ٹرسٹی، مسٹر احمد رضا رکن بورڈ آف ٹرسٹی، مسٹر شمیم احمد بورڈ آف ٹرسٹی اور اس کے کلچرل سنٹرکے پبلک ریلیشن آفسر مسٹر عارف صدیقی کے علاوہ کئی عہدیدار موجود تھے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined