کشمیر زون پولیس کے آفیشل ٹویٹر اکاونٹ پر کہا گیا ’جنگجوؤں نے آج صبح پلوامہ کے پاری گام میں ایک عام شہری پر گولیاں چلائیں۔ اسے علاج ومعالجہ کے لئے اسپتال میں داخل کیا گیا ہے‘۔ سرکاری ذرائع نے بتایا کہ نامعلوم بندوق برداروں نے جمعہ کی صبح پاری گام میں مولوی محمد اشرف ٹھوکر کی ٹانگوں کو نشانہ بناکر گولیاں چلائیں۔
انہوں نے بتایا ’محمد اشرف ضلع اننت ناگ کے بجبہاڑہ کا رہنے والا ہے۔ گولیاں لگنے سے اس کی دونوں ٹانگیں زخمی ہوئی ہیں۔ اس سے پہلے مقامی اسپتال اور بعدازاں وہاں سے ڈاکٹروں کے مشورے پر سری نگر منتقل کیا گیا‘۔
Published: 06 Jul 2018, 10:42 AM IST
رپورٹوں کے مطابق محمد اشرف پاری گام کی مقامی مسجد میں نماز کی امامت کے فرائض انجام دے رہے ہیں۔ سرکاری ذرائع نے بتایا کہ اگرچہ سیکورٹی فورسز نے محمد اشرف پر حملے کے بعد پاری گام میں تلاشی آپریشن شروع کیا، تاہم حملہ آور فرار ہونے میں کامیاب ہوگئے تھے۔ انہوں نے بتایا ’واقعہ کی نسبت کیس درج کرکے تحقیقات شروع کی گئی ہے‘۔
Published: 06 Jul 2018, 10:42 AM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 06 Jul 2018, 10:42 AM IST