حیدرآباد: اتر پردیش کے وزیر اعلیٰ یوگی آدتیہ ناتھ نے اگلے ہفتہ ہونے والے جی ایچ ایم سی (گریٹر حیدرآباد میونسپل کارپوشن) کے انتخابات کے لئے تشہیر کے دوران کہا کہ تلنگانہ راشٹر سمیتی (ٹی آر ایس) اور اسد الدین اویسی کی آے آئی ایم آئی ایم (آل انڈیا مجلس اتحاد المسلمین) کے درمیان بدعنوان اور ناپاک اتحاد ہے۔ یوگی آدتیہ ناتھ نے ہفتہ کے روز کہا کہ اگر انتخابات میں عوام ان کی حمایت کرتے ہیں تو حیدرآباد کا نام تبدیل کر کے بھاگیہ نگر رکھا جائے گا۔ یوگی نے گزشتہ روز حیدرآباد میں روڈ شو بھی کیا۔
Published: undefined
یوگی آدتیہ ناتھ نے کہا، ’’کچھ لوگ مجھ سے پوچھ رہے تھے کہ کیا حیدرآباد کا نام بدل کر بھاگیہ نگر کیا جا سکتا ہے۔ میں نے کہا، کیوں نہیں؟ میں نے ان سے کہا کہ بی جے پی کے اقتدار میں آنے کے بعد ہم نے فیض آباد کا نام ایودھیا اور الہ آباد کا نام پریاگراج کر دیا، تو حیدرآباد کا نام بھاگیہ ناگر کیوں نہیں کیا جا سکتا؟‘‘
Published: undefined
بی جے پی نے ان انتخابات میں اپنی اعلیٰ قیادت کو اتارا ہے جس میں امت شاہ، پارٹی کے صدر جے پی نڈا، مرکزی وزیر اسمرتی ایرانی اور مرکزی وزیر پرکاش جاوڈیکر شامل ہیں۔
یوگی آدتیہ ناتھ ریاست کے بی جے پی سربراہ اور کریم نگر سے رکن پارلیمان بنڈی سنجے کے ساتھ ایک بس کے اوپر بنائے گئے عارضی پلیت فارم پر کھڑے تھے۔ انہوں نے حیدرآباد کے جیدی میتلا علاقہ میں روڈ شو کیا جہاں بڑی تعداد میں لوگ موجود رہے۔
Published: undefined
اگرچہ میونسپل کارپوریشن انتخابات کے ذریعے ایک میئر کا انتخاب ہوتا ہے اور ان میں اثر سڑک، بجلی، پانی جیسے مسائل پر بات ہوتی ہے تاہم اس مرتبہ بی جے پی نے اپنی اعلیٰ قیادت کو یہاں اتارا ہے اور تشہیر میں پاکستان، محمد علی جناح، روہنگیا اور ہندو مسلمان کے حوالہ سے بیان بازی کی جا رہی ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: پریس ریلیز
تصویر: بشکریہ محمد تسلیم