راجستھان کے وزیر اعلیٰ اشوک گہلوت نے ہفتہ کے روز ریگستانی ریاست میں زبردست بارش اور طوفان کے سبب جان گنوانے والوں کے کنبوں کو 5-5 لاکھ روپے کی معاشی مدد دینے کا اعلان کیا۔ آفیشیل ذرائع نے بتایا کہ ٹونک ضلع میں جمعرات کو آندھی اور موسلادھار بارش کے سبب کم از کم 12 لوگوں کی موت ہو گئی۔
Published: undefined
وزیر اعلیٰ اشوک گہلوت نے ان اموات کے تعلق سے سوشل میڈیا پلیٹ فارم ٹوئٹر پر اظہار غم کیا ہے۔ انھوں نے ٹوئٹ کرتے ہوئے لکھا ہے کہ ’’ہر مہلوک کے کنبوں کو 5-5 لاکھ روپے کی معاشی مدد دی جائے گی۔‘‘ گہلوت نے ریاست میں آندھی، بارش اور ژالہ باری سے ہوئے نقصان پر بھی فکر ظاہر کرتے ہوئے کہا کہ ریاستی حکومت کے ذریعہ نقصان کا جائزہ لیا جا رہا ہے۔ انھوں نے کہا کہ متاثرین کی ہر ممکن مدد کی جائے گی۔ اشوک گہلوت نے ٹوئٹ میں لکھا ہے کہ ’’ریاست کے کئی اضلاع میں آندھی اور بارش سے ہوئے نقصان کا جائزہ لیا جا رہا ہے۔ ریاستی حکومت متاثرین کو ہر ممکن مدد فراہم کرے گی۔‘‘
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: پریس ریلیز
تصویر: محمد تسلیم