کانگریس کے سابق صدر راہل گاندھی نے کہاہے کہ مودی حکومت کسانوں کا استحصال کرکے سرمایہ داروں کی پرورش کررہی ہے اور کسان کی آمدنی دوگنا کرنے کا وعدہ فراموش کرکے اڈانی امبانی جیسے صنعت کاروں کی آمدنی میں اضافہ کرنے میں مصروف عمل ہے۔ راہل گاندھی نے کہاکہ وعدہ تھاکسانوں کی آمدنی دوگنی کرنے کا، مودی حکومت نے آمدنی تو بڑھا دی لیکن اڈانی۔ امباری کی۔ جو سیاہ زرعی قوانین کو اب تک صحیح بتا رہے ہیں، وہ کیا خاک کسانوں کے حق میں حل نکالیں گے۔
Published: undefined
ادھرکانگریس کے محکمہ مواصلات کے سربراہ رندیپ سنگھ سرجے والا نے نامہ نگاروں سے کہا کہ وزیراعظم نریندر مودی ریڈیو پر نشرہونے والے اپنے ماہانہ پروگرام ’من کی بات‘ میں زراعت مخالف ان سیاہ قوانین کو صحیح بتاکر سازش کررہے ہیں۔انہوں نے کہا کہ مودی حکومت کو کسانوں کے مفاد میں ان تینوں قوانین کو فوری طورپر واپس لینے کا اعلان کرنا چاہئے۔
Published: undefined
سرجے والا نے کہاکہ وزیراعظم کسان مخالف ان تین قوانین کو صحیح بتا کر ملک کے 62کروڑ کسانوں کی بات کو نظرانداز کرنے کی کوشش کرکے ان کے ساتھ ناانصافی کررہے ہیں۔ ان کا کہناتھا کہ اگر ملک کا سربراہ ہی اس طرح بات کرے گا تو کسانوں کو صحیح انصاف کون دے گا۔
Published: undefined
انہوں نے کہا کہ ہریانہ کے وزیراعلی منوہر لال کھٹر نے کسانوں کو دہشت گرد بتاکر ان کے خلاف جھوٹے معاملات درج کرائے ہیں۔ یہ کسانوں کے ساتھ ناانصافی ہے اور س کے لئے مسٹر کھٹر کو عوامی طورپر معافی مانگنی چاہئے۔
Published: undefined
ترجمان نے کہا کہ حکومت اگر سچ مچ کسانوں سے بات کرنا چاہتی ہے تو خود مسٹر مودی کو ان کے مسائل سننے چاہئیں اور انہیں یقین دلانا چاہئے تاکہ وہ اپنی تحریک ختم کردیں۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined