قومی خبریں

آنے والی نسلوں کو منشیات سے بچانا ہوگا: وزیر اعظم مودی

جموں و کشمیر، پنجاب، چنڈی گڑھ اور مدھیہ پردیش میں نشہ مکتی ابھیان اور ان کی کامیابیوں کا تذکرہ کرتے ہوئے انہوں نے کہا کہ اس کے لیے سب کو مل کر کام کرنا ہوگا

<div class="paragraphs"><p>من کی بات / ویڈیو گریب</p></div>

من کی بات / ویڈیو گریب

 

نئی دہلی: وزیر اعظم نریندر مودی نے آج اتوار کو آل انڈیا ریڈیو پر اپنے ماہانہ ریڈیو پروگرام من کی بات کے 103 ویں ایڈیشن میں قوم سے خطاب کیا۔ اس دوران انہوں نے والی نسل کو منشیات کے چنگل سے بچانے پر زور دیا اور کہا کہ اس کے لیے مشترکہ طور پر اور ہر سطح پر کوششیں کرنا ہوں گی۔

وزیر اعظم مودی نے کہا کہ سال 2020 سے ملک میں نشہ مکتی ابھیان جاری ہے۔ نوجوان اس میں بڑھ چڑھ کر حصہ لے رہے ہیں اور اسے کامیابی مل رہی ہے۔ جموں و کشمیر، پنجاب، چنڈی گڑھ اور مدھیہ پردیش میں نشہ مکتی ابھیان اور ان کی کامیابیوں کا تذکرہ کرتے ہوئے انہوں نے کہا کہ اس کے لیے سب کو مل کر کام کرنا ہوگا۔

Published: undefined

انہوں نے کہا کہ جموں و کشمیر میں میوزیکل نائٹس، اونچی پہاڑیوں پر بائیک رائیڈس، چنڈی گڑھ میں مقامی کلب اور پنجاب میں اسپورٹس گروپس نشہ مکتی ابھیان کا نتیجہ ہیں۔ ان سے نوجوانوں کو منشیات کے چنگل سے بچانے میں مدد مل رہی ہے۔ یہ سرگرمیاں واقعی منشیات کے خلاف ایک مضبوط مہم ہیں۔

Published: undefined

مودی نے کہا کہ منشیات کے خلاف مہم میں نوجوانوں کی بڑھتی ہوئی شرکت بہت حوصلہ افزا ہے۔ ان کوششوں سے ہندوستان میں منشیات کے خلاف مہم کو کافی تقویت ملتی ہے۔ اگر ہم ملک کی آنے والی نسلوں کو بچانا چاہتے ہیں تو انہیں منشیات سے دور رکھنا ہوگا۔ اسی سوچ کے ساتھ 15 اگست 2020 کو 'نشہ مکت بھارت ابھیان' کا آغاز کیا گیا۔ اس مہم سے 11 کروڑ سے زیادہ لوگ جڑے ہیں۔ دو ہفتے قبل ہندوستان نے منشیات کے خلاف بڑی کارروائی کی ہے۔ تقریباً 1.5 لاکھ کلو منشیات کی کھیپ پکڑنے کے بعد اسے تلف کر دیا گیا ہے۔ ہندوستان نے 10 لاکھ کلو منشیات تلف کرنے کا انوکھا ریکارڈ بھی بنالیا ہے۔ ان منشیات کی مالیت 12000 کروڑ روپے سے زیادہ تھی۔

Published: undefined

انہوں نے کہا، 'میں ان تمام لوگوں کی تعریف کرنا چاہوں گا جو نشے سے نجات کی اس نیک مہم میں اپنا حصہ ڈال رہے ہیں۔ منشیات کی لت نہ صرف خاندان بلکہ پورے معاشرے کے لیے ایک بڑا مسئلہ بن جاتی ہے۔ ایسے میں اس خطرے کو ہمیشہ کے لیے ختم کرنے کے لیے ضروری ہے کہ ہم سب متحد ہو کر اس سمت میں آگے بڑھیں۔

Published: undefined

وزیر اعظم نے مدھیہ پردیش کے شہڈول ضلع میں بیچا پور گاؤں کا حوالہ دیا۔ انہوں نے کہا کہ یہ گاؤں منشیات کی وجہ سے بدنام تھا۔ لیکن اب فٹبال کی محبت کی وجہ سے دنیا بھر میں مشہور ہے۔ فٹ بال کوچ رئیس احمد کی تعریف کرتے ہوئے انہوں نے کہا کہ اس گاؤں سے قومی سطح کے 40 فٹ بال کھلاڑی ابھرے ہیں۔ اس سے تحریک لے کر آس پاس کے دیہاتوں میں 1200 سے زیادہ فٹ بال کلب بن چکے ہیں۔

Published: undefined

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔

Published: undefined