دہلی میں کورونا وائرس کی دوسری لہر میں پہلی بار متاثرین کی یومیہ تعداد 100 سے کم

دارالحکومت دہلی میں کورونا وائرس کی دوسری لہر میں ، پہلی بار گزشتہ 24 گھنٹے کے دوران 100 سے بھی کم متاثرین یعنی 89 مریضوں کی رپورٹ ملی ہے اور اس دوران 11 مریضوں کی موت ہوئی ہے۔

دارالحکومت میں کورونا کے انفیکشن کی شرح 0.16 فیصد پر آگئی ہے اور اموات کی شرح 1.74 فیصد پر برقرار ہے۔

خوشی کی بات یہ ہے کہ صحت یاب ہونے والے افراد کی تعداد متاثرہ افراد کی تعداد سے تقریبا دگنی ، یعنی 173 ہے، جس کی وجہ سے زیر علاج مریضوں کی تعداد میں کمی ہوئی ہے۔ پیر کے روز، زیر علاج مریضوں کی تعداد دو ہزار سے نیچے 1996 ہوگئی ہے۔

دہلی کے محکمہ صحت کی طرف سے جاری ہونے والی بلیٹن کے مطابق اس عرصے کے دوران 89 نئے متاثرین کی اطلاع کے بعد متاثرہ افراد کی تعداد 1432391 تک پہنچ گئی، جب کہ 173 مریضوں کے صحت یاب ہونے کی وجہ سے کورونا سے شفایاب ہونے والے لوگوں کی تعداد 1405460 ہوگئی ہے۔ دہلی میں کورونا کےانفیکشن کی شرح اب 0.16 فیصد پر آگئی ہے۔

اس دوران 11 مریضوں کی ہلاکت کی وجہ سے اموات کی تعداد 24925 ہوگئی۔ دارالحکومت میں اموات کی شرح 1.74 فیصد ہے۔ دہلی مرنے والوں کے معاملے میں چوتھے نمبر پر ہے۔

گزشتہ 24 گھنٹے کے دوران دارالحکومت میں 57128 نمونوں کی جانچ کی گئی۔ دارالحکومت میں ممنوعہ علاقوں کی تعداد اب گھٹ کر 4597 ہوگئی ہے۔ دہلی میں گذشتہ 24 گھنٹے کے دوران، 11662 افراد کو کورونا کے ٹیکےلگائے گئے ہیں۔ دارالحکومت میں اب تک 6521959 مستفید افراد کو ٹیکے لگائے جاچکے ہیں۔