دہلی میں کورونا کے 212نئے معاملے، 25کی موت

راجدھانی دہلی میں گزشتہ چوبیس گھنٹوں کے دوران کورونا وائرس کے 212نئے معاملے سامنے آئے اور 25مزید مریضو ں کی موت ہوگئی لیکن راحت کی یہ ہے کہ صحت یاب ہونے والوں کی تعداد زیادہ رہی اور یہ تعداد 516تک پہنچ گئی۔

راجدھانی میں نئے معاملات کے مقابلہ میں صحت یاب ہونے والوں کی تعداد میں اضافہ ہونے سے فعال معاملات میں کمی درج کی گئی ہے۔ دہلی میں بدھ کو فعال معاملات 329مزید کم ہوکر 2,749رہ گئے۔

دہلی کے محکمہ صحت کی طرف سے جاری بلیٹن کے مطابق اسی مدت میں 212نئے معاملے سامنے آنے کے بعد متاثرین کی تعداد 14,31,710تک پہنچ گئی ہے جبکہ 516مزید مریضوں کے صحت یاب ہوجانے سے اس وبا سے نجات پانے والوں کی تعداد بڑھ کر 14,04,085ہوگئی۔دہلی میں کورونا کی پازیٹیویٹی شرح اب 0.27فیصد رہ گئی ہے۔

اس دوران 25مزید مریضوں کی موت ہوجانے سے اموات کا اعدادو شمار 24,876پر پہنچ گیا۔ راجدھانی میں اموات کی شرح محض 1.74فیصد رہ گئی ہے۔ اموات کے معاملے میں پورے ملک میں دہلی چوتھے نمبر پر ہے۔

راجدھانی میں گزشتہ چوبیس گھنٹوں کے دوران 77,891نمونے ٹیسٹ کئے گئے۔ اس درمیان راجدھانی میں پابندی شدہ علاقوں کی تعداد کم ہوکر اب 6169رہ گئی ہے۔