امبالا میں تین منزلہ عمارت گرنے سے چار افراد ہلاک

ہریانہ کے امبالا شہر کے دھول کوٹ گاؤں میں زیر تعمیر تین منزلہ عمارت اچانک گر گئی۔ ملبے تلے ایک درجن سے زائد افراد کے دبے ہونے کا خدشہ ہے۔ پولیس اور انتظامیہ کی ٹیمیں جائے وقوعہ پر پہنچ گئیں۔چار افراد کی ہلاکت کی تصدیق ہو چکی ہے جبکہ کچھ کو بحفاظت نکال لیا گیا ہے۔ تاہم مزید کئی افراد کے اندر پھنسنے  ہونے کا خدشہ ہے۔

پولیس، فائر بریگیڈ جائے وقوعہ پر پہنچ گئی ہیں۔ امدادی کارکن ملبہ ہٹا رہے ہیں اور اندر پھنسے دیگر کارکنوں کو نکالنے کی کوشش کر رہے ہیں۔ حادثے کی وجہ تاحال معلوم نہیں ہوسکی ہے اور ریسکیو آپریشن جاری ہے۔امبالہ سٹی کے ایس ڈی ایم نے کہا کہ یہ ایک انتہائی افسوسناک واقعہ ہے، اور بچاؤ اور راحت کاری کا کام تیزی سے جاری ہے۔ انہوں نے بتایا کہ حادثے کے بعد متعدد افراد کو اسپتال منتقل کیا گیا۔ ان میں سے چار کو علاج کے بعد ڈسچارج کر دیا گیا ہے، جبکہ پانچ ابھی بھی زیر علاج ہیں۔

ایس ڈی ایم کے مطابق ملبے میں پھنسے لوگوں کی تعداد کے بارے میں ابھی تک کوئی ٹھوس اطلاع نہیں ہے۔ ریسکیو آپریشن آگے بڑھتے ہی صحیح تعداد واضح ہو جائے گی تاہم اس تعداد کی تصدیق نہیں ہو سکی ہے۔انہوں نے مزید کہا کہ عمارت کی ملکیت بھی واضح نہیں ہے۔ ٹھیکیدار اور عمارت کا مالک دونوں موقع سے فرار ہو گئے۔ ذمہ داروں کی نشاندہی کی جائے گی اور ان کے خلاف مناسب قانونی کارروائی کی جائے گی۔

اس حادثے میں وہاں کام کرنے والے کچھ مزدوروں کی موت ہو گئی۔ اب تک چار ہلاکتوں کی تصدیق ہو چکی ہے جبکہ کچھ کو بحفاظت نکال لیا گیا ہے۔ این ڈی آر ایف اور ایس ڈی آر ایف کی ٹیمیں راحت اور بچاؤ کے  کاموں میں مصروف ہیں۔ حادثے میں ملوث افراد میں سے زیادہ تر مہاجر مزدور تھے۔