جے پور: کورونا وائرس کے نئے ویرینٹ اومیکرون نے دنیا کو فکرمند کر دیا ہے اور ہندوستان کی ریاست کرناٹک میں بھی اومیکرون کے 2 معاملوں کی تصدیق کی جا چکی ہے۔ دریں اثنا، جنوبی افریقہ سے راجستھان کی راجدھانی جے پور لوٹنے والے ایک خاندان کے 4 لوگ کورونا سے متاثر پائے گئے ہیں۔
Published: undefined
’آج تک‘ کی رپورٹ کے مطابق خاندان کے 9 افراد 25 نومبر کو جنوبی افریقہ سے ہندوستان لوٹے تھے، ان میں ایک جوڑا اور ان کی 8 اور 15 سال کی دو بیٹیاں کورونا سے متاثر پائی گئی ہیں۔ تشویش ناک بات یہ ہے کہ ان لوگوں کے رابطہ میں آنے والے 12 میں سے 5 افراد بھی کورونا سے متاثر ہو گئے ہیں۔
Published: undefined
اومیکرون کا سب سے پہلا معاملہ جنوبی افریقہ میں ہی رپورٹ کیا گیا تھا، لہذا وہاں لوٹنے والے کورونا متاثرہ افراد کے نمونے جینوم سیکوینسنگ کے لئے بھیجے گئے ہیں اور انہیں تنہائی میں رکھا گیا ہے۔ تاہم رپورٹ کے بعد ہی تصدیق ہو پائے گی کہ کورونا سے متاثرہ ان لوگوں میں نیا ویرینٹ اومیکرون موجود ہے یا نہیں۔ خاندان کے بڑے افراد کورونا کی دونوں خوراکیں لگوا چکے ہیں اور کسی بھی فرد میں علامات ظاہر نہیں ہو رہی ہیں۔
Published: undefined
ہندوستان میں جمعہ کے روز اومیکرون کے پہلے دو معاملوں کی تصدیق کی گئی ہے، ان میں سے ایک 66 سالہ بزرگ حال ہی میں جنوبی افریقہ سے لوٹا ہے جبکہ دوسرا طبی اہلکار ہے۔ دونوں ہی کورونا کی دونوں خوراکیں لگوا چکے ہیں۔ قابل ذکر ہے کہ اب تک 29 ممالک میں اومیکرون ویرینٹ سے متاثرہ مریضوں کی شناخت کی جا چکی ہے اور عالمی ادارہ صحت نے اسے تشویش ناک ویرینٹ کے زمرے میں رکھا ہے۔
Published: undefined
اس سے پہلے دہلی ایئرپورٹ پر بھی جمعہ کے روز کچھ افراد کورونا سے متاثر پائے گئے ہیں۔ یہاں جمعرات کے روز دنیا بھر سے آنے والے 3 ہزار مسافر اترے تھے۔ سبھی کی جانچ کی گئی، جن ان میں سے 6 افراد کی رپورٹ کورونا کے لئے پازیٹو پائی گئی۔ ان سبھی کے نمونے جینوم سیکوینسنگ کے لئے بھیج دئے گئے ہیں۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined