نیپال میں ’بوڑھی گنڈک‘ ندی میں سیلاب کا الرٹ، عوام سے بالائی مقامات پر جانے کی اپیل

نیپال میں بوڑھی گنڈک ندی میں شدید سیلاب آنے کی وارننگ جاری کی گئی ہے۔ نیپال کی ’قومی ڈیزاسٹر رسک ریڈکشن اینڈ مینجمنٹ اتھارٹی‘ نے لوگوں کو محتاط رہنے کی ہدایت دی ہے۔ اتھارٹی نے ندی کے آس پاس رہنے والوں سے محفوظ مقامات پر جانے کی اپیل کی ہے۔ اس کے ساتھ ہی ندی کے قریب جانے سے گریز کرنے کا مشورہ بھی دیا گیا ہے۔ ’این ڈی آر آر ایم اے‘ نے سوشل میڈیا پلیٹ فارم ایکس پر پوسٹ کرکے یہ اطلاع دی۔ پوسٹ کے مطابق چومانمبری دیہی میونسپلٹی-6 کی جانب سے بدھی گنڈک ندی میں سیلاب کا پانی آ رہا ہے۔ اس صورتحال کے پیش نظر لوگوں کو احتیاط برتنے کی ہدایت دی گئی ہے۔ حکام نے واضح طور پر کہا ہے کہ جب تک سیلاب کا پانی گزر نہیں جاتا، اس وقت تک ندی کے قریب نہ جائیں۔

’این ڈی آر آر ایم اے‘ نے تریشولی دو بھان تک ندی کے کنارے جانے سے منع کیا ہے۔ انتظامیہ کا کہنا ہے کہ سیلاب کا پانی آنے کے دوران ندی کے آس پاس رہنا خطرناک ہو سکتا ہے۔ ایسے میں لوگوں کو ندی سے دور رہنا چاہیے۔ اتھارٹی نے لوگوں سے اپیل کی ہے کہ وہ وارننگ کو سنجیدگی سے لیں۔ سیلاب کا پانی گزرنے تک ندی کے قریب جانے یا وہاں رکنے سے گریز کریں۔ خاص طور پر ندی کے کنارے رہنے والوں کو زیادہ محتاط رہنے کی ضرورت ہے۔ اتھارٹی نے عوام کو بالائی مقامات پر جانے کا مشورہ دیا ہے۔ سیلاب کے دوران نشیبی علاقوں میں پانی بھرنے کا خطرہ ہو سکتا ہے۔ ایسے میں محفوظ اور اونچی جگہوں پر رہنا ضروری ہے۔

’این ڈی آر آر ایم اے‘ نے کہا ہے کہ لوگوں کو انتظامیہ کی جانب سے جاری کردہ ہدایات پر عمل کرنا چاہیے۔ ندی کے قریب جانے سے گریز کرنا چاہیے اور سیلاب کی صورتحال پر نظر رکھنی چاہیے۔ اگر آس پاس آبی سطح بڑھتی ہوئی نظر آئے تو محفوظ مقام پر جانا ضروری ہے۔ لوگوں کو جلد بازی میں ندی پار کرنے یا اس کے کنارے کے قریب جانے کی کوشش نہیں کرنی چاہیے۔ دراصل اس سے قبل بھی نیپال کی بوڑھی گنڈک ندی میں سیلاب سے بھاری نقصان ہوا تھا۔ ستمبر 2026 میں گورکھا ضلع کے نامرونگ علاقے میں سیلاب کی وجہ مناسلو ٹریک کا راستہ بند ہو گیا تھا۔ سیلاب میں 2 پل بہہ گئے تھے۔ ان میں بوڑھی گنڈک ندی پر بنا ایک جھولا پل بھی شامل تھا۔ سیلاب سے 2 بجلی منصوبوں کو بھی نقصان پہنچا تھا۔