شاملی: وزیر اعظم نریندر مودی کی طرف سے تین متنازع قوانین کے واپس لئے جانے کے اعلان پر عدم اعتماد کا اظہار کرتے ہوئے کسان یونین کے صدر سوِت ملک نے کہا کہ جب تک پارلیمنٹ میں قانون واپس نہیں ہوتا، کسانوں کا احتجاج جاری رہے گا۔
Published: undefined
کسان یونین کے صدر سوِت ملک نے اتوار کو کہا کہ گرو نانک دیو جی کے یوم پیدائش کے موقع پر وزیر اعظم نے کسانوں کے درد کو سمجھا اور تین زرعی قوانین کو واپس لے کر کسانوں کے تئیں بڑا فیصلہ لیا۔ وہ وزیر اعظم کے اس اقدام کا خیرمقدم کرتے ہیں، لیکن جب تک تینوں زرعی قوانین پارلیمنٹ میں واپس نہیں ہوتے کسانوں کی تحریک جاری رہے گی۔
Published: undefined
دوسری جانب کسان رہنما چوہدری انل ملک نے کہا کہ کسانوں کی طویل جدوجہد کے بعد ملک کے وزیر اعظم نریندر مودی نے تین زرعی قوانین واپس لینے کا اعلان کیا ہے، کسان اسے مثبت انداز میں دیکھ رہے ہیں، لیکن ملک کے کسانوں کو وزیر اعظم کی باتوں پر اعتبار نہیں ہے۔
Published: undefined
انہوں نے کہا کہ جب تک تینوں قانون، ایم ایس پی پر گارنٹی پارلیمنٹ میں منظور نہیں ہوتے، کسانوں کا احتجاج جاری رہے گا۔ متحدہ کسان مورچہ کی قیادت میں 22 نومبر کو لکھنؤ میں ہونے والی پنچایت میں لاکھوں کسان شرکت کریں گے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: محمد تسلیم