قومی خبریں

کسان تحریک: 6 مارچ کو پورے ملک سے دہلی پہنچیں گے کسان، 10 مارچ کو ’ریل روکو‘ مہم کا اعلان

کسان لیڈر جگجیت ڈلیوال نے کہا کہ ’’ہم نے طے کیا ہے 6 مارچ کو پورے ملک سے ہمارے لوگ ریل، بس اور ہوائی راستہ سے دہلی آئیں گے، 10 مارچ کو 12 بجے سے 4 بجے تک ریل روکو مہم چلائی جائے گی۔

کسان تحریک / تصویر یو این آئی
کسان تحریک / تصویر یو این آئی 

کسانوں کی ’دہلی چلو تحریک‘ کچھ دنوں کے لیے ملتوی ضروری ہوئی ہے، لیکن اسے جلد ہی ایک بار پھر متحرک کرنے کی کوشش شروع ہو گئی ہے۔ کسان لیڈر جگجیت سنگھ ڈلیوال اور سرون سنگھ پنڈھیر نے آج ایک بیان میں کہا کہ ’’ہمارا دہلی چلو مارچ ختم نہیں ہوا ہے۔ مطالبات نہیں مانے جانے تک ہمارا احتجاجی مظاہرہ جاری رہے گا۔‘‘

Published: undefined

جگجیت سنگھ ڈلیوال نے میڈیا سے بات کرتے ہوئے کہا کہ ’’میں صاف کر دینا چاہتا ہوں کہ دہلی جانے کا پروگرام ملتوی نہیں ہوا ہے۔ ہم اس سے پیچھے نہیں ہٹے ہیں۔ مرکزی حکومت کو گھٹنوں پر لانے کے لیے ہم نے پالیسی طے کی ہے۔ ہم جن بارڈرس پر بیٹھے ہوئے ہیں، وہاں تعداد بڑھائیں گے۔ دوسرے بارڈرس پر بھی کسانوں کو لانے کی کوشش کریں گے۔‘‘ ڈلیوال مزید کہتے ہیں کہ ہم نے طے کیا ہے کہ 6 مارچ کو پورے ملک سے ہمارے لوگ ریل، بس اور ہوائی راستہ سے دہلی آئیں گے۔ ہمارا 10 مارچ کو 12 بجے سے 4 بجے تک ریل روکو مہم چلانے کا ارادہ ہے۔ ہم لوگ اپیل کرتے ہیں کہ اس میں زیادہ سے زیادہ لوگ شامل ہوں۔

Published: undefined

پنجاب کسان مزدور سنگھرش سمیتی کے جنرل سکریٹری سرون سنگھ پنڈھیر نے بھی ڈلیوال کی بات دہراتے ہوئے کہا کہ ’’کھنوری اور شمبھو بارڈرس پر بیٹھے کسان اپنی تحریک چلائیں گے۔‘‘ انھوں نے بی جے پی کے ذریعہ لکھیم پور کھیری سے اجئے مشرا ٹینی کو امیدوار بنائے جانے پر سخت ناراضگی کا اظہار بھی کیا۔ انھوں نے کہا کہ ’’بی جے پی نے اجئے مشرا ٹینی کو ٹکٹ دے کر کسانوں کی بے عزتی کی ہے۔‘‘

Published: undefined

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔

Published: undefined