نیوز چینل ’آج تک‘ کے پروگرام ’کسان پنچایت‘ میں شرکت کرتے ہوئے راکیش ٹکیت نے کہا کہ ’’ہم نے ہمیشہ کہا کہ بل گاؤں میں بننا چاہیے۔ دہلی کی کوٹھیوں میں بنا ہوا بل ملک کے کسانوں کو منظور نہیں ہے۔ حکومت کو قانون لانے سے پہلے گاؤں میں چوپال لگانا چاہیے تھا۔
Published: 12 Dec 2020, 5:56 PM IST
کسانوں نے غازی آباد سے دہلی پہنچنے اور نوئیڈا سے دہلی پہنچنے والے راستے کو بند کر دیا ہے۔ مظاہرین نے چیلا اور غازی پور بارڈر کو بلاک کر دیا ہے جس کی وجہ سے ٹریفک پولس نے لوگوں کو مشورہ دیا ہے کہ متبادل راستہ یعنی آنند وہار، ڈی این ڈی، اپسرا اور بھوپرا سرحد کے راستہ دہلی میں داخل ہوں۔
Published: 12 Dec 2020, 5:56 PM IST
’سنیوکت کسان آندولن‘ کے لیڈر کمل پریت سنگھ پنّو نے میڈیا سے بات چیت کرتے ہوئے مرکز کی مودی حکومت پر سخت الزام عائد کیا ہے۔ انھوں نےکہا کہ ’’حکومت تحریک کو ناکام بنانے کی کوشش میں سرگرم ہے۔ لیکن ہم لوگ ایسا ہونے نہیں دیں گے۔‘‘ انھوں نے مزید کہا کہ ’’ہمیں تقسیم کرنے اور ہمارے مظاہرین ساتھیوں کو بھڑکانے کے لیے حکومت نے کچھ چھوٹی کوششیں کی تھیں، لیکن ہم پرامن طریقے سے اس تحریک کو کامیابی کی طرف لے جائیں گے۔‘‘
Published: 12 Dec 2020, 5:56 PM IST
ہریانہ کے نائب وزیر اعلیٰ اور جے جے پی لیڈر دشینت چوٹالہ نے آج تین مرکزی وزراء سے ملاقات کر کے کسانوں کے مسائل پر گفتگو کی۔ مرکزی وزیر دفاع راج ناتھ سنگھ، مرکزی وزیر زراعت نریندر سنگھ تومر اور مرکزی وزیر پیوش گویل سے ملاقات کے بعد دشینت چوٹالہ نے کہا کہ پوری امید ہے کہ 48 گھنٹوں میں کسانوں کے مسائل کا حل نکل جائے گا۔
Published: 12 Dec 2020, 5:56 PM IST
سنگھو بارڈر پر موجود سنیوکت کسان آندولن کے لیڈر کمل پریت سنگھ پنّو نے اعلان کیا ہے کہ کل یعنی 13 دسمبر کو صبح 11 بجے شاہجہاں پور (راجستھان) ہزاروں کی تعداد میں کسان ’ٹریکٹر مارچ‘ نکالیں گے۔ انھوں نے کہا کہ یہ کسان جے پور-دہلی روڈ کو جام کریں گے اور اپنے احتجاجی مظاہرہ کو مزید تیز کریں گے۔
Published: 12 Dec 2020, 5:56 PM IST
مودی حکومت کے ذریعہ متنازعہ زرعی قوانین واپس لینے سے متعلق کوئی پیش رفت نہ ہونے سے ناراض کسان لیڈروں نے تحریک کو مزید تیز کرنے کا عزم ظاہر کر دیا ہے۔ سنگھو بارڈر پر موجود کسان لیڈروں نے 14 دسمبر کو بھوک ہڑتال کا بھی اعلان کر دیا ہے۔ میڈیا ذرائع سے موصول ہو رہی خبروں کے مطابق سنگھو بارڈر پر کسان لیڈران اسٹیج پر جمع ہوں گے اور بھوک ہڑتال کریں گے۔ سنیوکت کسان آندولن کے لیڈر کمل پریت سنگھ پنّو کا کہنا ہے کہ مرکزی حکومت تحریک کو کمزور کرنا چاہتی ہے، لیکن ہم پرامن طریقے سے یہ جاری رکھیں گے۔
Published: 12 Dec 2020, 5:56 PM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 12 Dec 2020, 5:56 PM IST
تصویر: محمد تسلیم