نئی دہلی: راجدھانی دلی میں پیرا گڑھ علاقے کے ادیوگ نگر کی ایک فیکٹری میں جمعرات کی صبح آگ لگ گئی جس کی زد میں آکر زخمی ہوئے 14 لوگوں کو نزدیکی اسپتال میں داخل کرایا گیا ہے۔ فائر بریگیڈ کے ایک افسر نے بتایا کہ آج صبح چار بجکر 12 منٹ پر پیرا گڑھی، ادیوگ نگر کے ڈی۔7 میں ایک فیکٹری میں آگ لگنے کی اطلاع ملی۔ اطلاع ملنے کے فوراً بعد فائر بریگیڈ کی 35 گاڑیوں کو جائے واقعہ کے لئے روانہ کردیا گیا۔
Published: undefined
افسر نے بتایا کہ راحت اوربچاؤ مہم کے دوران اچانک ایک دھماکہ ہوا جس کے سبب فیکٹری کی عمارت کی ایک دیوار منہدم ہوگئی جس میں فائر بریگیڈ کے اہلکار سمیت کئی دیگر افراد پھنس گئے۔ فیکٹری سے 14 زخمیوں کو نکالا گیا ہے جن میں 13 فائر بریگیڈ کے اہلکار ہیں۔ راحت اور بچاؤ مہم اب بھی جاری ہے۔
Published: undefined
واضح رہے کہ گزشتہ ایک ماہ کے دوران آگ لگنے کا یہ تیسرا واقعہ ہے۔ گزشتہ آٹھ دسمبر کو اناج منڈی کی ایک فیکٹری میں آگ لگنے سے 44 لوگوں کی موت ہوگئی تھی اور اس کے بعد 23 دسمبر کو کراڑی میں ایک کپڑا گودام میں آگ لگنے سے نو لوگوں کی موت ہوگئی تھی۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined