نئی دہلی: اتر پردیش کے باغپت میں جمعرات کی صبح ایکپریس وے پر کووڈ-19 ٹیسٹ سیمپل کی سپلائی لے کر جا رہے ہندوستانی فضائیہ (آئی اے ایف) کے چیتا ہیلی کاپٹر کی ایمرجنسی لینڈنگ کرانی پڑی۔ فضائیہ کے ترجمان ونگ کمانڈر اندرنيل نندی کے مطابق ہیلی کاپٹر اس وقت ہنڈن ہوائی اڈے سے چنڈی گڑھ کے لئے پرواز کر رہا تھا۔
Published: undefined
ترجمان نے کہا ’’ہیلی کاپٹر كووڈ -19 کے نمونوں کو لانے کے لئے ہنڈن سے چندی گڑھ کی طرف جا رہا تھا۔ ہنڈن سے تقریباً تین بحری میل ( این ایم ) پر ہیلی کاپٹر میں اچانک تکنیکی خرابی آئی، جس کے بعد دارالحکومت کے بیرونی رنگ روڈ ہائی وے پر ہیلی کاپٹر کو محفوظ اتار لیا گیا۔
Published: undefined
انهوں نے کہا کہ پائلٹوں نے بغیر وقت گنوائے فوری طور پر درست کارروائی کی تھی۔ انہوں نے کہا کہ ہیلی کاپٹر کو ایمرجنسی حالات میں اتارنے کے دوران کسی بھی املاک کو کوئی نقصان نہیں پہنچا ہے۔ ہیلی کاپٹر میں آئی خرابی کو ٹھیک کرنے کے لئے ریکوری طیارہ ہنڈن سے بھیجا گیا۔ ہیلی کاپٹر کو ٹھیک کرنے کے بعد اس کو فوری طور پر محفوظ طریقے سے ہنڈن واپس لایا گیا۔
Published: undefined
اس ہیلی کاپٹر کو ڈیزائن کی وجہ سے راڈار آسانی سے پکڑ نہیں پاتا ہے۔ قریب پونے تین گھنٹے تک پرواز کرنے والا یہ اٹیک ہیلی کاپٹر دشمن پر جب حملہ کرتا ہے تو اس کی شامت آ جاتی ہے۔ اس ہیلی کاپٹر سے دہشت گردوں کے ٹریننگ کیمپ اور دشمن کے ٹینک تک تباہ کیے جا سکتے ہیں ۔ اس سے پہلے فروری میں چیتا ہیلی کاپٹر جموں میں گر کر تباہ ہو گیا تھا۔ لیکن دونوں پائلٹ ہیلی کاپٹر سے محفوظ باہر نکل آئے تھے۔ اس وقت اس ہیلی کاپٹر نے ادھم پور سے پرواز بھری تھی۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: محمد تسلیم