ایس آئی آر کے بعد حالات کا جائزہ لینے کے لیےمغربی بنگال کا دورہ کرے گا الیکشن کمیشن، تاریخ طے

الیکشن کمیشن آف انڈیا کی فل بنچ یکم مارچ کو مغربی بنگال کے دو روزہ دورے پرجائے گی۔ یہ 28 فروری کو حتمی ووٹر لسٹ کی اشاعت کی نئی تاریخ کے بعد کے دوسرے دن ہوگا، جس دن ریاست میں جاری خصوصی گہری نظر ثانی (ایس آئی آر) کا اختتام ہوگا۔ الیکشن کمیشن آف انڈیا (ای سی آئی) کی فل بنچ کے مغربی بنگال کے دو روزہ دورے کی تاریخوں کو منگل کے روزنئ دہلی میں ای سی آئی کے ہیڈکواٹرمیں چیف الیکٹورل آفیسر(سی ای او) منوج کمار اگروال کی کمیشن کی فل بینچ کے ساتھ ہوئی اہم میٹنگ میں حتمی شکل دی گئی۔

سی ای او کے دفتر کے ایک داخلی ذرائع نے کہا کہ کولکتہ پہنچنے کے بعد ای سی آئی کی فل بنچ کے ممبران کے ساتھ ساتھ ان کے سب آرڈینیٹ افسران، جیسے ایڈیشنل سی ای او، جوائنٹ سی ای او،ڈپٹی سی ای او اور ڈسٹرکٹ الیکٹورل آفیسر (ڈی ای او) کے ساتھ میٹنگ کریں گے تاکہ ریاست میںایس آئی آر کے بعد کے حالات کا جائزہ لیا جاسکے۔

اس کے فوراً بعد ای سی آئی اس سال کے آخر میں ہونے والے اہم ریاستی اسمبلی انتخابات کے لیے ووٹنگ کی تاریخوں کا اعلان کرے گا۔ سی ای او کے دفتر کے اندرونی ذرائع نے کہا کہ یقینی طور پر ووٹنگ کی تاریخوں کا اعلان مارچ کے پہلے ہفتے میں کیا جائے گا جیسا کہ کمیشن نے نئی دہلی میں ہوئی منعقدہ میٹنگ میں سی ای او کو مطلع کیا ہے۔ میٹنگ میں اس سال مغربی بنگال میں ہونے والے اسمبلی انتخابات کے لیے ممکنہ مراحل کی تعداد پر تبادلہ خیال کیا گیا۔

معلوم ہوا ہے کہ سی ای او نے سنگل فیز الیکشن پر اصرار کیا اور کہا کہ ان کا دفتر اس کے لیے تیار ہے بشرطیکہ سنٹرل آرمڈ پولیس فورس (سی اے پی ایف) کے اہلکاروں کی مناسب تعیناتی ہو۔ سی ای او کے دفتر کے داخلی ذرائع نے کہا کہ اگرچہ کمیشن نے مراحل کی تعداد کے بارے میں کوئی حتمی وعدہ نہیں کیا ہے، اس نے یقین دلایا ہے کہ کسی بھی حالت میں تین سے زیادہ مراحل نہیں ہوں گے۔