'مجھے سپریم کورٹ پر بھروسہ ہے'، وقف بورڈ ایکٹ پر ڈمپل یادو کا بیان

یوپی کے مین پوری سے سماج وادی پارٹی کی رکن پارلیمنٹ ڈمپل یادو نے میڈیا سے بات چیت کے دوران بھارتیہ جنتا پارٹی کی حکومت پر الزامات لگائے ہیں۔ انہوں نے بی جے پی حکومت پر فرقہ وارانہ سیاست کرنے کا الزام لگایا۔ اس کے ساتھ ہی ڈمپل یادو نے وقف قانون میں ترمیم پر اپنا ردعمل دیا ہے۔

رکن پارلیمنٹ  ڈمپل یادو نے بی جے پی حکومت پر الزام لگاتے ہوئے کہا، "بی جے پی لوگوں کو مسائل سے بھڑکانا چاہتی ہے، آنے والے وقت میں بی جے پی فرقہ وارانہ سیاست کے ذریعہ صرف اقتدار میں رہنے پر کام کر رہی ہے، جس طرح سے چیزیں سامنے آرہی ہیں، اس سے صاف ہے کہ بی جے پی کے دور میں ملک کو نقصان ہورہا ہے۔ اب تو امریکہ بھی ہندوستان کو بار بار ملامت کررہا ہے، جس سے یہ واضح ہوتا ہے کہ بی جے پی کے دور میں یہ ملک پیچھے ہٹ گیا ہے۔"

وقف بورڈ بل پر ڈمپل یادو نے کہا، "مجھے سپریم کورٹ پر بھروسہ ہے۔ ‘‘اس سے پہلے بھی ڈمپل نے ریاستی حکومت پر زبانی حملہ کیا تھا اور کہا تھا کہ آج اتر پردیش کھنڈر کی طرح نظر آرہا ہے۔ اس کی وجہ یہ ہے کہ یہاں روزگار نہیں ہے اور صحت کا نظام بھی بری حالت میں ہے۔ پورا تعلیمی نظام تباہ ہوچکا ہے۔

واضح رہے کہ کل سماج وادی پارٹی کے قومی صدر اور سابق وزیر اعلی اکھلیش یادو پریاگ راج کے دورے پر تھے۔ اس دوران ان کی اہلیہ اور ایم پی ڈمپل یادو نے پریس کانفرنس کرتے ہوئے مرکزی اور ریاستی حکومتوں کو نشانہ بنایا۔ انہوں نے کہا کہ مہا کمبھ کے دوران انتظامات پر توجہ دینے کے بجائے حکومت نے تشہیر پر زیادہ توجہ دی۔ اس کے علاوہ ان کی  طرف سے دی گئی تجاویز کو پارٹی نے نظر انداز کر دیا۔