دہلی کی آب و ہوا ہوئی زہریلی، جہانگیر پوری اور وویک وہار میں اے کیو آئی 300 سے تجاوز

موسم کی تبدیلی کے ساتھ ہی دہلی کی آب و ہوا خطرناک سطح پر پہنچ گئی ہے۔ دن میں تیز دھوپ اور رات میں ہلکی سردی کے درمیان کئی علاقوں میں فضائی آلودگی کا معیار خراب درج کیا گیا ہے۔ دہلی کے جہانگیر پوری میں ایئر کوالٹی انڈیکس (اے کیو آئی) 309 تک پہنچ گیا، جبکہ وویک وہار میں یہ 306 درج کیا گیا۔ کئی دیگر علاقوں میں بھی اے کیو آئی 200 سے اوپر برقرار ہے۔ سمیر ایپ کے اعداد و شمار کے مطابق جہانگیر پوری میں سب سے زیادہ 309 اے کیو آئی درج کیا گیا۔ مندر مارگ اور نریلا میں ایئر کوالٹی انڈیکس 280 رہا۔ سری فورٹ میں اے کیو آئی 276، بوانا میں 275 اور علی پور میں 273 درج کیا گیا۔ منڈکا میں ایئر کوالٹی انڈیکس 265، این آئی ایچ نریلا میں 260، تالکٹورا گارڈن میں 254 اور وزیر پور میں 253 رہا۔ اسی طرح سنٹرل پولوشن کنٹرول بورڈ کے مطابق آئی ٹی او کے علاقوں میں اے کیو آئی کی سطح 280 درج کی گئی۔ ان اعداد و شمار سے پتہ چلتا ہے کہ دہلی کے کئی علاقوں میں فضائی آلودگی کا معیار خراب ہے۔

دہلی یونیورسٹی کے نارتھ کیمپس میں اے کیو آئی 247 درج کیا گیا ہے، جبکہ آئی آئی ٹی دہلی میں یہ 244 رہا۔ نجف گڑھ میں 241، جے این یو میں 239 اور میجر دھیان چند نیشنل اسٹیڈیم کے آس پاس 238 اے کیو آئی ریکارڈ کیا گیا۔ آنند وہار میں ایئر کوالٹی انڈیکس 237، براڑی کراسنگ پر 231 اور اشوک وہار میں 223 درج کیا گیا۔ آئی جی آئی ایئرپورٹ کے ٹرمینل-3 کے قریب اے کیو آئی 216 اور آیا نگر میں 215 رہا۔ وسندھرا انکلیو میں بھی ایئر کوالٹی انڈیکس 209 درج کیا گیا۔

دہلی کے تمام علاقوں میں فضائی آلودگی کی سطح یکساں نہیں ہے۔ کچھ مقامات پر اے کیو آئی 125 کے آس پاس اور کچھ مقامات پر 150 کے آس پاس بھی درج کیا گیا ہے۔ مثلاً براڑی میں اے کیو آئی 190، کرالا میں 186، دلشاد گارڈن کے آئی ایچ بی اے ایس علاقے میں 182 اور نانگلوئی میں 181 درج کیا گیا۔ نہرو نگر میں ایئر کوالٹی انڈیکس 177، جھرودا کلاں میں 170 اور اگنو میدان گڑھی میں 169 رہا۔ اتم نگر میں اے کیو آئی 167، لودھی روڈ میں 159 اور دہلی کینٹ کے کینٹونمنٹ علاقے میں 155 درج کیا گیا۔ آئی ایم ڈی لودھی روڈ میں یہ 147، بدرپور میں 145 اور شری اروبندو مارگ پر 144 رہا۔ میدان گڑھی میں اے کیو آئی 129 اور ٹکری کلاں میں سب سے کم 122 درج کیا گیا۔

اے کیو آئی کے معیار کے مطابق 201 سے 300 کے درمیان ہوا کا معیار ’خراب‘ اور 301 سے 400 کے درمیان ’بہت خراب‘ زمرے میں آتا ہے۔ اس لحاظ سے جہانگیر پوری اور وویک وہار کی ہوا بہت خراب زمرے میں ہے۔ بہرحال، فضائی آلودگی کی اس سطح پر بچوں، بزرگوں اور سانس کی پریشانیوں میں مبتلا افراد کو خاص احتیاط برتنی چاہیے۔ باہر ورزش کرنے سے بچنا اور آلودگی زیادہ ہونے پر طویل وقت تک کھلی جگہوں پر رہنے سے گریز کرنا مفید ہوتا ہے۔ اسی دوران بڑھتی ہوئی آلودگی کے پیش نظر دہلی میں گریپ-1 نافذ کر دیا گیا ہے۔ تعمیراتی کاموں پر پابندیاں عائد کر دی گئی ہیں۔