دہلی میونسپل کارپوریشن انتخابات کے لیے ووٹنگ ختم ہو گئی ہے۔ پولنگ صبح 8 بجے سے شام 5.30 بجے تک جاری رہی۔ لوگ بڑی تعداد میں پولنگ بوتھ پر پہنچے۔ شام 4 بجے تک 45 فیصد سے زیادہ پولنگ ہو چکی تھی۔ اس کے ساتھ ہی ووٹر لسٹ سے دہلی کانگریس کے انل چودھری سمیت کئی لوگوں کے نام غائب ہونے پر دہلی الیکشن کمیشن نے وضاحت دی ہے اور اس معاملے کو مرکزی الیکشن کمیشن کے پاس اٹھانے کو کہا ہے۔
Published: 04 Dec 2022, 8:34 AM IST
دہلی ایم سی ڈی انتخابات کے تحت شام 4 بجے تک تقریباً 45 فیصد پولنگ ریکارڈ کی گئی۔
Published: 04 Dec 2022, 8:34 AM IST
ریاستی الیکشن کمیشن کے مطابق دہلی ایم سی ڈی انتخابات میں دوپہر 2 بجے تک 30 فیصد پولنگ ریکارڈ کی گئی۔
Published: 04 Dec 2022, 8:34 AM IST
دہلی میونسپل کارپوریشن انتخابات میں دوپہر 12 بجے تک 18 فیصد پولنگ ریکارڈ کی گئی ہے۔ انتخابات کے لیے ووٹنگ صبح 8 بجے شروع ہوئی، جوکہ شام 5:30 بجے تک جاری رہے گی۔
Published: 04 Dec 2022, 8:34 AM IST
بھارتیہ جنتا پارٹی (بی جے پی) کے ایم پی پرویش ورما، کانگریس کے سینئر لیڈر اجے ماکن، سابق مرکزی وزیر ہرش وردھن اور سابق ایم ایل اے الکا لامبا سب سے پہلے ووٹ ڈالنے والے لیڈروں میں شامل ہیں۔ اس موقع پر خطاب کرتے ہوئے مسٹر ورما نے یقین ظاہر کیا کہ بی جے پی زبردست اکثریت سے جیتے گی۔
Published: 04 Dec 2022, 8:34 AM IST
دہلی ایم سی ڈی انتخابات کے تحت پولنگ جاری ہے اور بڑی تعداد میں ووٹرز مراکز پر پہنچ کر اپنے حق رائے دہی کا استعمال کر رہے ہیں۔ دریں اثنا، دہلی کے وزیر اعلیٰ اروند کیجریوال نے بھی اپنے اہل خانہ کے ساتھ پولنگ مرکز پر پہنچ کر اپنی ووٹ ڈال دی ہے۔
Published: 04 Dec 2022, 8:34 AM IST
کنفیڈریشن آف آل انڈیا ٹریڈرس (سی اے آئی ٹی) نے دہلی کے تمام تاجروں سے دہلی میونسپل کارپوریشن کے انتخابات میں خاندان کے تمام ووٹروں کے ساتھ ووٹ ڈالنے کی اپیل کی ہے۔ پولنگ کے پیش نظر دہلی کے تمام بازار اتوار کو بند رہیں گے۔
سی اے آئی ٹی کے قومی جنرل سکریٹری پروین کھنڈیلوال نے ایک بیان میں کہا، "پہلے کی طرح، پولنگ کے دن، 4 دسمبر کو، دہلی کے تمام بازار اور کاروباری ادارے، کارخانے، چھوٹی صنعتیں وغیرہ مکمل طور پر بند رہیں گی تاکہ تاجران، ان کے ملازمین، صارفین اور کاروبار سے وابستہ دیگر افراد بغیر کسی رکاوٹ کے ووٹنگ میں حصہ لے سکیں۔
Published: 04 Dec 2022, 8:34 AM IST
دہلی کے نائب وزیر اعلیٰ منیش سسودیا نے کہا کہ 1.5 کروڑ لوگ کارپوریشن کے لیے اپنی حکومت کا انتخاب کریں گے۔ ایم سی ڈی کا کام دہلی کا کچرا صاف کرنا، تاجروں کو ایماندارانہ لائسنس دینا، سڑکیں بنوانا، پارکوں کی صفائی کرنا ہے۔ آپ اپنا ووٹ یہ بات ذہن میں رکھ کر ڈالیں کہ ایم سی ڈی کی اولین ترجیح شہر کو صاف ستھرا رکھنا ہے۔ انہوں نے کہا کہ بی جے پی نے گزشتہ 15 برسوں سے کچھ نہیں کیا۔
Published: 04 Dec 2022, 8:34 AM IST
دہلی ایم سی ڈی کے انتخابات کے لئے صبح 8 بجے ووٹنگ شروع ہو گئی۔ کانگریس لیڈر اجے ماکن نے راجوری گارڈن میں حق رائے دہی کا استعمال کیا۔ ووٹنگ کے بعد اجے ماکن نے کہا، ’’یہ الیکشن گلیوں، کچرے، نالوں اور صفائی کا الیکشن ہے۔ عوام کو اس امیدوار کے حق میں ووت ڈالنی چاہئے جو الیکشن کے بعد بھی ان کی مدد کے لئے تیار رہے اور میرے خیال میں کانگریس پارٹی کے امیدوار بہترین ہیں۔‘‘
Published: 04 Dec 2022, 8:34 AM IST
دہلی میونسپل کارپوریشن کے انتخابات کے لیے آج ووٹ ڈالے جا رہے ہیں۔ اس کے لیے آج صبح 8 بجے سے ووٹنگ شروع ہو گئی ہے۔ شدید سردی کے باوجود صبح سے ہی ووٹ ڈالنے کے لیے لوگوں میں جوش و خروش نظر آ رہا ہے۔ پولنگ مراکز پر لمبی قطاریں لگی ہوئی ہیں۔ شہری انتخابات میں 250 وارڈوں کے لیے کل 1349 امیدوار میدان میں ہیں۔ انتخابات کے نتائج 7 دسمبر کو آئیں گے۔
Published: 04 Dec 2022, 8:34 AM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 04 Dec 2022, 8:34 AM IST
تصویر سوشل میڈیا