دہلی میں اسمبلی انتخابات سے قبل وزیر اعلی اروند کیجریوال نے بدھ کے روز عام آدمی پارٹی کے انتخابی وعدے کے مطابق مفت وائی فائی کا فراہم کرنے کا اعلان کر دیا۔ پہلے مرحلے میں دہلی کے تمام بس اڈوں پر 3000 وائی فائی ہاٹ اسپاٹ لگائے جائیں گے اور اس طرح پوری دہلی میں کل 11000 ہاٹ اسپاٹ نصب ہوں گے۔ منصوبہ کے مطابق ہر صارف کو ماہانہ 15 جی بی ڈیٹا مفت فراہم ہوگا۔ اطلاعات کے مطابق عام آدمی پارٹی کے اس منصوبہ کا آغاز 16 دسمبر سے کیا جا سکتا ہے۔
Published: 04 Dec 2019, 1:45 PM IST
واضح رہے کہ فری وائی فائی کے حوالے سے کابینہ کی منظوری اور ٹینڈر کا عمل مکمل ہو چکا ہے۔ رواں سال 8 اگست کو کابینہ نے بس اڈوں پر 4000 ہاٹ اسٹاپ جبکہ ہر اسمبلی حلقہ انتخاب میں 100 ہاٹ اسپاٹ کی تنصیب کی منظوری دی تھی۔ ہاٹ اسپاٹ کے 50 کے دائرے میں جتنے بھی لوگ ہوں گے وہ مفت وائی فائی کا فائدہ حاصل کر سکتے ہیں۔ اس منصوبہ پر حکومت 100 کروڑ روپے سالانہ خرچ کرے گی۔
Published: 04 Dec 2019, 1:45 PM IST
غور طلب ہے کہ سال 2015 کے اسمبلی انتخابات میں عام آدمی پارٹی نے دہلی میں مفت وائی فائی فراہم کرنے کا وعدہ کیا تھا۔ اب آئندہ اسمبلی انتخابات سے قبل اس وعدے کو پورا کرنے کی کوشش کی جارہی ہے۔
دہلی میں اسمبلی کے حلقوں کے مطابق ہاٹ اسپاٹ لگائے جائیں گے۔ پہلے 100 ہاٹ اسپاٹ کا افتتاح 16 دسمبر کو ہو سکتا ہے۔ پہلے ہفتے میں 100 اور اس کے بعد 500 ہاٹ اسپاٹ ہفتہ وار نصب ہوں گے۔ ہاٹ اسپاٹ کی تنصیب ہر آدھے کلو میٹر کے دائرے میں کی جائے گی۔
Published: 04 Dec 2019, 1:45 PM IST
وائی فائی کی اسپیڈ زیادہ سے زیادہ 200 اور کم از کم 100 ایم بی پی ایس (میگا بائیٹ پر سیکنڈ) ہوگی اور ایک ہاٹ اسپاٹ پر 100 افراد انٹرنیٹ استعمال کر سکتے ہیں۔ وائی فائی کے ذریعے انٹر نیٹ کا استعمال کرنے کے لئے ایک ایپ تیار کی گئی ہے جسے جلد ہی جائے کیا جائے گا۔ اس ایپ پر کے وائی سی (صارف کی شناخت) اپڈیٹ کرنے اور موبائل نمبر پر حاصل کردہ او ٹی پی (ون ٹائم پاسورڈ) کے ذریعے وائی فائی سے کنیکٹ کیا جا سکے گا۔ صارف کے ایک مرتبہ اس ایپ پر رجسٹریشن کرانے کے بعد وہ جیسی ہی کسی ہاٹ اسپاٹ کے نزدیک جائے گا اس کا موبائل وائی فائی سے آٹو کینکٹ ہو جائے گا اور اسے فری انٹر نیٹ کی سروس حاصل ہونے لگے گی۔
Published: 04 Dec 2019, 1:45 PM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 04 Dec 2019, 1:45 PM IST