دہلی۔ این سی آر میں فضائی آلودگی پر ’سی اے کیو ایم‘ کی بڑی کارروائی، 1765 یونٹوں کو بند کرنے کا حکم

قومی راجدھانی علاقہ میں ایک بار پھر فضائی آلودگی نے شہریوں کو پریشان کرنا شروع کردیا ہے۔ اس صورتحال میں کمیشن فار ایئر کوالٹی منیجمنٹ ( سی اے کیو ایم) کی انفورسمنٹ ٹاسک فورس نے ایک اہم میٹنگ کر کے 27 مارچ سے 10 اپریل کے درمیان قومی راجدھانی علاقہ (این سی آر) میں کئے گئے 162 سروے اور انفورسمنٹ کارروائیوں سے متعلق رپورٹس کا جائزہ لیا۔ فلائنگ اسکواڈ نے 25 تعمیرات اور مسمار کئے گئے مقامات، صنعتی علاقے میں 28 مقامات اور ڈیزل جنریٹر سیٹ سے متعلق 109 معاملات کا معائنہ کیا۔

اس مدت کے دوران 64 مقامات ایسے پائے گئے جہاں ضوابط کی خلاف ورزیوں کا پتہ چلا ان میں 42 ڈیزل جنریٹر سیٹ سے متعلق تھے۔ انفورسمنٹ ٹاسک فورس (ای ٹی ایف) نے گروگرام میونسپل کارپوریشن کے علاقے میں 7 اپریل کو چلائی گئی خصوصی انفورسمنٹ مہمات کا بھی حوالہ دیا، جن میں سڑک کی دھول کم کرنے سے متعلق معائنے  شامل تھے، جہاں متعدد علاقوں کا معائنہ کیا گیا اور خلاف ورزی کے 126 معاملے سامنے آئے۔

اس سلسلے میں متعلقہ میونسپل افسران کو ضروری اصلاحی کارروائی کرنے کی ہدایت دی گئی ہے جس میں بار بار احکامات کی خلاف ورزیوں پر ایس سی این جاری کرنا بھی شامل ہے۔ افسر نے کہا کہ کمیشن فار ایئر کوالٹی مینجمنٹ (سی اے کیو ایم) نے این سی آر میں فضائی آلودگی کم کرنے کے لیے مضبوط بین ایجنسی کوآرڈینیشن اور مقررہ ماحولیاتی اصولوں پر سختی سے عمل کرنے کی ضرورت پر زور دیا۔

جانچ رپورٹ کی بنیاد پر9 یونٹوں کو بند کرنے اور 18 یونٹوں کے ڈی جی سیٹوں کو سیل کرنے، 11 یونٹوں کو شوکاز نوٹس (ایس سی این) جاری کرنے اور 6 یونٹوں کے لیے ماحولیاتی معاوضہ (ای سی) کی تجویز دی گئی ہے۔ ٹاسک فورس نے 2 اپریل کو ہوئی میٹنگ کے بعد کی گئی کارروائیوں کا بھی جائزہ لیا۔ اس دوران 46 یونٹوں کو بندش اور شوکاز نوٹس جاری کیے گئے ہیں۔ گروگرام میونسپل کارپوریشن علاقے میں معائنہ کے دوران 126 مقامات پر خلاف ورزیاں پائی گئیں۔ اس سلسلے میں متعلقہ میونسپل افسران کو ضروری اصلاحی کارروائی کرنے کی ہدایت دی گئی ہے۔

بتا دیں کہ ای ٹی ایف نے 7 اپریل کو گروگرام میونسپل کارپوریشن کے ذریعہ چلائی گئی خصوصی انفورسمنٹ مہمات پر بھی توجہ دی گئی جس میں کوئی علاقوں کا معائنہ کیا گیا اور 126 خلاف ورزیاں پکڑی گئیں۔ جس پر متعلقہ میونسپل افسران کو ضروری اصلاحی کارروائی کرنے کی ہدایت دی گئی ہے جس میں بار بار خلاف ورزیوں پر ایس سی این جاری کرنا بھی شامل ہے۔ اس کے علاوہ 17 اپریل تک کی صورتحال کے جائزے سے یہ بات سامنے آئی ہے کہ کمیشن کے فلائنگ اسکواڈ کے ذریعے اب تک 26,834 یونٹوں، منصوبوں، اداروں کا معائنہ کیا جا چکا ہے۔ ان معائنوں کی بنیاد پر 1,765 یونٹوں کو بند کرنے کے احکامات جاری کیے گئے ہیں، جن میں سے 1,349 کو تعمیل کی تصدیق کے بعد دوبارہ کھولنے کے احکامات دیئے گئے ہیں۔