دہلی میں سنسنی خیز قتل: خاتون کی مسخ شدہ لاش فلیٹ کے اندر سے برآمد، مالک مکان گرفتار

دہلی کے شاہدرہ علاقے کے وویک وہار تھانہ علاقے میں ایک دل دہلا دینے والا واقعہ سامنے آیا ہے۔ یہاں ایک فلیٹ کے اندر لکڑی کے صندوق  میں ایک بیگ میں چھپائی گئی ایک خاتون کی لاش ملی ہے۔ واقعہ کے منظر عام پر آنے کے بعد پولس نے فلیٹ کے مالک وویکانند مشرا کو حراست میں لے کر پوچھ گچھ شروع کردی۔

ڈی سی پی شاہدرہ نے بتایا کہ ہفتہ کو پولس اسٹیشن وویک وہار میں پی سی آر کال موصول ہوئی، جس میں بتایا گیا کہ ستیم انکلیو کے ڈی ڈی اے فلیٹ سے تیز بدبو آرہی ہے۔ پولیس موقع پر پہنچی تو گھر کو باہر سے تالا لگا ہوا تھا تاہم پچھلے دروازے کے پاس خون کے دھبے نظر آئے۔ دروازہ کھول کر اندر جانے کے بعد ایک بیگ میں ایک خاتون  جسکی عمر تقریباً 35 سال کی ہے اس کی لاش بوسیدہ حالت میں ملی۔

لاش کو کمبل میں لپیٹ کر بیڈ باکس میں چھپا دیا گیا تھا۔ فی الحال پولیس لاش کی شناخت اور قتل کی وجوہات جاننے میں مصروف ہے۔ شبہ ہے کہ خاتون کو قتل کرکے اس کی لاش کو چھپانے کے لیے ایک صندوق میں رکھا گیا تھا۔ مالک مکان وویکانند مشرا کو گرفتار کر لیا گیا ہے اور اس سے پوچھ گچھ کی جا رہی ہے۔ اس کے بعد اس معاملے میں مزید کارروائی کی جائے گی۔ (بشکریہ نیوز پورٹل ’آج تک‘)