اناؤ کے سینگر معاملے میں 16 دسمبر کو آ سکتا ہے فیصلہ

بھارتیہ جنتا پارٹی (بی جے پی) کے برخاست شدہ رکن اسمبلی کلدیپ سینگر پر اناؤ عصمت دری معاملے میں دہلی کی تیس ہزاری عدالت 16 دسمبر کو اپنا فیصلہ سنا سکتی ہے۔ سینگر کے خلاف 2017 میں اترپردیش کے اناؤ میں ایک لڑکی کو اغوا کر کے اس کی عصمت دری کرنے کے الزام لگے ہیں ۔ اس معاملے میں عدالت میں سماعت منگل کے روز مکمل ہو چکی ہے اور 16 دسمبر کو عدالت اس پر اپنا فیصلہ سنا سکتی ہے ۔

ضلع جج دھرمیش شرما نے کہا کہ وہ معاملے میں اپنا فیصلہ 16 دسمبر کو سنا ئیں گے ۔ سی بی آئی نے معاملے میں اپنی دلائل پیر کو مکمل کر لی تھیں اور مدعا علیہان کے گواہوں کے بیانات بند کمرے میں ریکارڈ کرنے کا عمل دو دسمبر کو مکمل کر لیا گیا تھا۔

سینگر کے ساتھ ہی اس معاملے کے ایک دیگر ملزم ششی سنگھ کے بارے میں بھی عدالت اسی دن فیصلہ سنائے گی ۔ ششی پر الزام ہے کہ وہ متاثرہ کو رکن اسمبلی کے پاس لے کر گیا تھا ۔ متاثرہ نے الزام عائد کیا تھا کہ وہاں سینگر نے اس کا جنسی استحصال کیا ۔ واضح رہے ہے کہ اس معاملے میں کل پانچ ایف آئی آر درج ہیں جن پر کورٹ 16 دسمبر کو فیصلہ سنا سکتا ہے ۔ اس کے علاوہ چار دیگر معاملات پر ابھی سماعت چل رہی ہے ۔ سینگر پر عائد الزامات کے بعد بی جے پی نے انہیں پارٹی سے نکال دیا تھا۔