لاک ڈاؤن کے درمیان ہندوستان میں کورونا وائرس کا قہر جاری ہے۔ لگاتار کورونا وائرس کے معاملے ملک میں بڑھتے ہی جا رہے ہیں۔ اس درمیان دہلی سے بڑی خبر سامنے آ رہی ہے۔ صحت خدمات سے جڑے کچھ اہلکاروں کے کورونا وائرس کی زد میں آنے کا خدشہ ظاہر کیا جا رہا ہے۔ خبروں کے مطابق رام منوہر لوہیا اسپتال کے ڈاکٹروں اور نرسوں کی ایک ٹیم کو گھر میں کوارنٹائن رہنے کی ہدایت دی گئی ہے۔ حالانکہ اس بات کی تصدیق ابھی نہیں ہو سکی ہے کہ ڈاکٹروں اور نرسوں میں سے کسی پر بھی کورونا کا اثر ہے یا نہیں۔
Published: undefined
میڈیا ذرائع سے موصول ہو رہی خبروں میں کہا گیا ہے کہ 14 اراکین کی ٹیم میں شامل ایک نرس کو اتوار کی شام ہلکا بخار ہونے کے بعد احتیاطاً پوری ٹیم کو ایک گھر میں رہنے کی ہدایت دی گئی ہے۔ ان لوگوں کا کورونا ٹیسٹ کیا گیا ہے اور جانچ رپورٹ آنے کے بعد ہی یہ تصدیق ہو پائے گی کہ ان میں سے کسی میں کورونا وائرس کا اثر ہے یا نہیں۔
Published: undefined
واضح رہے کہ اس وقت ہندوستان میں کورونا وائرس کے مریضوں کی تعداد 1100 کے پار چلی گئی ہے اور 30 لوگ اس وائرس کی زد میں آ کر موت کی نیند بھی سو گئے ہیں۔ کورونا پر قابو پانے کے لیے محکمہ صحت کی ٹیمیں پوری طرح مستعد ہیں اور لوگوں کو گھر میں رہنے کے ساتھ ساتھ ضروری ہدایات بھی لگاتار دی جا رہی ہیں۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: پریس ریلیز