وزارت صحت میں جوائنٹ سکریٹری لو اگروال نے آج میڈیا کے سامنے آ کر یہ خوشخبری دی کہ ہندوستان میں اب ایسے 80 اضلاع ہیں جہاں گزشتہ 14 دنوں سے کورونا انفیکشن کا کوئی نیا معاملہ سامنے نہیں آیا ہے۔ ساتھ ہی انھوں نے یہ بھی بتایا کہ ان 80 اضلاع میں سے 15 اضلاع تو ایسے ہیں جہاں گزشتہ 28 دنوں سے کورونا انفیکشن کا کوئی مریض سامنے نہیں آیا ہے۔
Published: 24 Apr 2020, 8:43 AM IST
کانگریس لیڈر راہل گاندھی نے مرکزی ملازمین اور پنشن حاصل کرنے والوں کے مہنگائی بھتے میں تخفیف کے مرکزی حکومت کے فیصلے کو غیر انسانی اور غیر اخلاقی قرار دیا ہے۔ انھوں نے کہا کہ اس کی جگہ حکومت کو لاکھوں کروڑ کے بلیٹ ٹرین منصوبہ اور وِسٹا حسن کاری منصوبہ کو روک کر اس کے پیسے کورونا کے خلاف جنگ میں لگانا چاہیے۔
Published: 24 Apr 2020, 8:43 AM IST
کورونا وائرس کے بڑھتے انفیکشن کی وجہ سے سری نگر میں سناٹا پسرا ہوا ہے۔ رمضان کی آمد پر سری نگر کی جن مسجدوں میں لوگوں کی بھیڑ جمع ہو جاتی تھی، وہاں اب بالکل خاموشی چھائی ہوئی۔ کئی مسجدوں کے دروازے پر تالے لٹکے ہوئی دکھائی دے رہے ہیں۔
Published: 24 Apr 2020, 8:43 AM IST
کورونا انفیکشن پھیلنے سے متعلق ایک بڑا معاملہ سامنے آیا ہے جس کے مطابق اے ٹی ایم سے بھی اس وائرس کا پھیلاؤ ہو سکتا ہے۔ گجرات کے وڈودرا میں 3 جوان کورونا انفیکشن کا شکار ہوئے اور بتایا جاتا ہے کہ تینوں نے ایک ہی اے ٹی ایم کا استعمال پیسہ نکالنے کے لیے کیا تھا۔ شروعاتی جانچ کے مطابق ایک اے ٹی ایم مشین سے تینوں جوانوں نے پیسے نکالے تھے اور بعد میں جب ان کا کورونا ٹیسٹ ہوا تو پازیٹو پائے گئے۔ اس خبر کے پھیلنے کے بعد لوگوں میں دہشت کا ماحول ہے۔
Published: 24 Apr 2020, 8:43 AM IST
دہلی واقع جگجیون رام اسپتال میں 7 اسٹاف کورونا وائرس کی زد میں آ چکے ہیں۔ اس خبر سے اسپتال کے دیگر اسٹاف میں خوف کا ماحول دیکھنے کو مل رہا ہے۔ ہندوستان کے مختلف اسپتالوں سے لگاتار ڈاکٹرس اور اسٹاف کے کووڈ-19 پازیٹو ہونے کی خبریں سامنے آ رہی ہیں جو خوفزدہ کرنے والی ہیں۔
Published: 24 Apr 2020, 8:43 AM IST
دہلی کے وزیر اعلیٰ اروند کیجریوال نے آج ایک اچھی خبر یہ سنائی کہ پلازما تھیراپی کورونا وائرس کے مریضوں پر مثبت اثر دکھا رہی ہے۔ انھوں نے کہا کہ ”ہم نے ایل این جے پی اسپتال کے 4 مریضوں پر پلازما کا ٹرائل کر کے دیکھا۔ اس کے اب تک کے نتیجے خوش آئند ہیں۔“
Published: 24 Apr 2020, 8:43 AM IST
بنگلورو کے پڈرین پورہ میں صحت اہلکاروں کے خلاف تشدد کے الزام میں جن 121 لوگوں کو گرفتار کیا گیا تھا، ان میں سے رام نگر جیل میں قید 2 لوگوں میں کورونا وائرس کی تصدیق ہوئی ہے۔ 2 ملزمین کو اب شہر کے وکٹوریا اسپتال میں منتقل کر دیا گیا ہے۔ 119 دیگر ملزمین کو بنگلورو بھیجا جانا ہے۔
Published: 24 Apr 2020, 8:43 AM IST
دہلی کے وزیر صحت ستیندر جین نے آج میڈیا سے خطاب کرتے ہوئے بتایا کہ جمعرات کو کل 128 کورونا کے نئے مریض سامنے آئے تھے اور اچھی بات یہ ہے کہ صحت یاب ہونے والوں کی تعداد بھی لگاتار بڑھ رہی ہے۔ ستیندر جین کا کہنا ہے کہ جمعرات کے روز 84 لوگ اس انفیکشن سے نجات پا گئے اور اس طرح سے دہلی میں اب تک 808 لوگ صحت یاب ہو چکے ہیں۔ دہلی میں کورونا پازیٹو مریضوں کی مجموعی تعداد 2376 ہو گئی ہے جن میں سے 23 مریض آئی سی یو میں ہیں جب کہ 8 مریضوں کو وینٹی لیٹر پر رکھا گیا ہے۔
Published: 24 Apr 2020, 8:43 AM IST
روم: عالمی وبا کورونا وائرس سے اٹلی میں ہلاک ہونے والوں کی تعداد بڑھ کر 25449 ہو گئی ہے۔ جمعرات کو یہاں کورونا وائرس کی وجہ سے 464 افراد ہلاک ہو گئے جس سے یہ تعداد بڑھ کر 25 ہزار سے تجاوز کر گئی۔ اٹلی میں کورونا وائر س کے 2646 نئے کیسز سامنے آئے ہیں جس سے متاثرین کی تعداد بڑھ کر 106848 ہو گئی ہے جبکہ اٹلی میں کورونا کے مجموعی 57576 مریض صحت یا ب بھی ہوئے ہیں۔ واضح ر ہے کہ اٹلی میں گزشتہ 10 مارچ سے لاک ڈاؤن نافذ ہے جو تین مئی تک نا فذ رہنے کی توقع ہے۔
(یو این آئی)
Published: 24 Apr 2020, 8:43 AM IST
کورونا وائرس انفیکشن سے ہندوستان میں ہلاکتوں کی تعداد 718 پہنچ گئی ہے۔ مرکزی وزارت صحت کے ذریعہ جاری تازہ اعداد و شمار کے مطابق گزشتہ 24 گھنٹے میں 37 اموات ہوئی ہیں اور 1684 نئے پازیٹو معاملے سامنے آئے ہیں۔ اس طرح سے مجموعی طور پر پازیٹو مریضوں کی تعداد 23 ہزار کو پار کرتے ہوئے 23077 ہو گئی ہے۔ وزارت صحت نے یہ بھی بتایا کہ 4749 مریض ٹھیک ہو چکے ہیں اور 17610 مریضوں کا علاج جاری ہے۔
Published: 24 Apr 2020, 8:43 AM IST
قومی راجدھانی دہلی کے ایک سرکاری اسپتال میں ڈاکٹر اور نرس سمیت 14 اسٹاف کے کورونا پازیٹو پائے جانے کے بعد ایک ہنگامہ سا برپا ہو گیا ہے۔ بتایا جاتا ہے کہ یہ اسپتال جہانگیر پوری میں ہے جہاں 14 طبی اہلکار کورونا کی زد میں آ گئے ہیں۔ قابل ذکر ہے کہ جہانگیر پوری علاقہ پہلے سے ہی کورونا کا ہاٹ اسپاٹ بنا ہوا ہے اور یہاں سے کئی پازیٹو مریض سامنے آئے ہیں۔
Published: 24 Apr 2020, 8:43 AM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 24 Apr 2020, 8:43 AM IST
تصویر سوشل میڈیا