دہلی میں کورونا کے فعال معاملات 25000سے زیادہ

راجدھانی دہلی میں جمعرات کو کورونا وائر س کے 3,882نئے معاملے سامنے سے متاثرین کی مجموعی تعداد 3.44لاکھ سے زیادہ ہوگئی لیکن تشویش کی بات یہ ہے کہ اس دوران مریضوں کے صحت یا ب ہو نے کی شرح میں کمی درج کی گئی ہے جس سے فعال معاملات میں اضافہ ہوا ہے۔

دہلی کی وزارت صحت کی طرف سے جاری اعدادو شمار کے مطابق راجدھانی میں متاثرین کی تعداد 3,44,318ہوگئی۔ اس دوران 2,727مزید مریضوں کے صحت یاب ہوجانے سے اب تک کل ملاکر 3,12,918لوگ کورونا وائرس کو شکست دے چکے ہیں۔ اس کے ساتھ ہی کورونا مریضوں کے صحت یا ہونے کی شرح جزوی طورپر کم ہوکر 90.80فیصد رہ گئی جو بدھ کو 91.11فیصد تھی۔

اسی مدت میں کورونا انفیکشن سے 35مزید مریضوں کی موت ہوجانے سے اس وبا سے مرنے والوں کی تعداد بڑھ کر 6,163ہوگئی ہے۔

دہلی میں گزشتہ چوبیس گھنٹوں کے دوران 58,770لوگوں کی جانچ کی گئی اور یہاں اب تک وائرس کے کل ملاکر 42,01,310نمونوں کی جانچ کی جاچکی ہے۔ راجدھانی میں فی دس لاکھ پر جانچ کا اوسط اعداو شمار 2,21,121ہے۔ تشویش کی بات یہ ہے کہ نئے معاملات کے مقابلہ میں صحت یاب ہوئے لوگوں کی تعداد کم ہونے سے فعال معاملات میں اضافہ درج کیا گیا ہے۔ راجدھانی میں کورونا کے فعال معاملات کی تعداد 1,120مزید بڑھ کر آج 25,237پر پہنچ گئی جو بدھ کو 24,117تھی۔ ان میں سے 14,979ہوم آئسولیشن میں ہیں۔