نئی دہلی: کیرالہ کے رکن پارلیمنٹ نے اس ریاست سے ملحق کرناٹک کی سرحدوں کو بی ایس یدی یورپا حکومت کے ذریعہ بند کیے جانے کے فیصلے کے خلاف پیر کو سپریم کورٹ پہنچ گئے۔ کیرالہ کے کاسرگوڈ پارلیمانی حلقہ سے کانگریس کے رکن پارلیمنٹ راج موہن انیتھن نے عدالت عظمی میں ایک مفاد عامہ کی عرضی دائر کرکے کرناٹک حکومت کے حکم کو چیلنج کیا ہے۔ یہ عرضی وکیل ہیرس بیرن کے ذریعہ دائر کی گئی ہے۔
Published: undefined
عرضی گزار کا کہنا ہے کہ کرناٹک حکومت کے ذریعہ کیرالہ سے ملحق سرحد سیل کیے جانے کی وجہ سے ضروری اشیاء کی فراہمی متاثر ہوئی ہے، اتنا ہی نہیں ان کے پارلیمانی حلقہ کے لوگ طبی سہولیات سے محروم ہو رہے ہیں۔ دراصل ان کی دلیل ہے کہ کاسرگوڈ کے رہنے والے برسوں سے منگلورو ضلع میں واقع طبی سہولیات پر انحصار کرتے آئے ہیں لیکن سرحد سیل ہونے کی وجہ سے یہ لوگ طبی سہولیات کے لئے منگلورو نہیں جا پارہے ہیں۔ ناکہ بندی کی وجہ سے ایمبولنس کو لوٹانے کی وجہ سے دو مریضوں کی موت ہوجانے کی بھی عرضی میں حوالے دیئے گئے ہیں۔
Published: undefined
عرضی گزار کی دلیل ہے کہ سرحد سیل کیا جانا مرکزی حکومت کی ان ہدایات کی خلاف ورزی ہے جس میں سبھی ریاستی حکومتوں کو بغیر کسی رکاوٹ کے مال اور خدمات کی بین ریاستی فراہمی کی اجازت دینے کے احکامات دیئے گئے ہیں۔ پٹیشن کی ویڈیو کانفرنسنگ کے ذریعہ جلد سماعت کی بھی درخواست کی گئی ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: محمد تسلیم