ہریانہ کانگریس کی سربراہ کماری شیلجا اور کانگریس کے لیڈر رديپ سنگھ سرجےوالا نے کہا ہے کہ کورونا وائرس کی وجہ سے سنگین مالی بحران کا سامنا کررہے ریاست کے عوام پر کھٹر حکومت 'جزیہ ' لگانا بند کرے۔
Published: undefined
دونوں رہنماؤں نے آج یہاں جاری بیان میں کہا کہ کل شام کے اندھیرے میں کھٹر سرکار نے ریاست کے 2.5 کروڑ لوگوں سے جبراً وصولی کا ایک نیا سیاہ باب لکھ ڈالا۔ پوری دنیا میں حکومتیں اچھی پالیسی اورصاف نیت سے لوگوں کی جیب میں پیسہ ڈالنے کا کام کر رہی ہیں لیکن کھٹر حکومت کورونا وبا اور اقتصادی بحران کے اس دور میں ٹیکس پر ٹیکس لگا کر خزانہ بھرنے میں مصروف ہیں۔
Published: undefined
انہوں نے کہا کہ ریاستی حکومت کی جانب سے پٹرول-ڈیزل پر ٹیکس لگایاگیا۔پھلوں اور سبزیوں پر غیر ضروری مارکیٹ فیس اور ایچ آر ڈی ایف ٹیکس اور عام لوگوں کی کمر توڑتے ہوئے بس کرایہ میں اضافہ کرنا حکومت کی بے رحمی، نااہلی اور تکبر کی زندہ مثال ہے۔ اقتصادی بحران کی اس گھڑی میں زخموں پر مرہم لگانے کے بجائے بی جے پی۔ جے جے پی حکومت جلے پر نمک چھڑکنے کا کام کر رہی ہے۔
Published: undefined
واضح رہے کہ جب کانگریس نے 2014 میں حکومت چھوڑی تو پٹرول پر ویٹ 21 فیصد تھا جو اب بڑھ کر 26.25 فیصد اور ڈیزل پر ویٹ 9.24 فیصد تھا، جو اب بڑھ کر 17.22 فیصد ہو جائے گا۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined