امتحانی نتائج کی پریشانی دور کرنے کے لیے بچوں کی جائے گی رہنمائی

امتحانات کے نتائج کے اعلان کے اس موسم میں طلبہ طالبات کو کامیابی اورناکامی کی فکر اور تناو سے آزاد رکھنے میں مدد کے لئے نیشنل کمیشن فار پروٹیکشن آف چائلڈ رائٹس (این سی پی سی آر) انہیں پیر سے سوشل میڈیا اورفون پر مشاورت اوررہنمائی کا ایک پلیٹ فارم دستیاب کرانے جارہا ہے۔

اس پہل کے تحت بچوں کو ماہرین کے ساتھ بات چیت کرنے کے قابل بنانے کے لئے پیر کو 11 اپریل سے 31 مئی تک این سی پی سی آر کے فیس بک، ٹویٹر، یوٹیوب اور دوردرشن نیشنل اور نیو انڈیا جنکشن کے یوٹیوب پر لائیو اسٹریمنگ سیشنز کا انعقاد کیا جائے گا۔

این سی پی سی آر اس کے علاوہ سنویدنا (1800-121-2830) کووڈ سے متعلق تناو سے نمٹنے کے لئے تربیت یافتہ مشیروں کے ذریعہ چلائی جانے والی ایک ٹول فری ٹیلی کنسلٹیشن سروس چلاتاہے۔ کمیشن نے کہا ہے کہ اب اس کنسلٹنگ سروس کی توسیع طلباء کے لئے امتحان اورنتائج سے متعلق سوالات، تناو اورتشویش سے نمٹنے کے مقصد سے کیا جائے گا۔

ایک بیان میں یہ معلومات دیتے ہوئے، بچوں اور خواتین کی ترقی کی وزارت نے کہا کہ وزیر اعظم نریندر مودی کے "پرکشا پہ چرچا" پروگرام سے تحریک لیتے ہوئے اور امتحانات کو ایک خوشگوار سرگرمی بنانے کی سمت میں اپنی کوشش جاری رکھتے ہوئے این سی پی سی آرنے یہ سروس شروع کی ہے۔