دہلی میں سی این جی کی قیمتوں میں 3.89 روپے کا اضافہ

مغربی ایشیا میں جاری بحران اور بین الاقوامی مارکیٹ میں ایل این جی کی قیمتوں میں اضافے نے اب سی این جی کی قیمتوں کو متاثر کیا ہے۔ اندرا پرستھا گیس لمیٹڈ(آئی جی ایل)نے دہلی میں سی این جی کی قیمت میں 3.89 روپے فی کلو اضافہ کرنے کا فیصلہ کیا ہے۔ نئی قیمتیں 29 اگست یعنی آج صبح 6 بجے سے لاگو ہوگئیں۔ اس اضافے کے بعد دہلی میں سی این جی کی پرانی قیمت 83.09 روپے فی کلوگرام سے بڑھ کر 86.98 روپے فی کلوگرام ہو جائے گی۔

آئی جی ایل کے جاری کردہ ایک پریس نوٹ کے مطابق جولائی 2026 سے مغربی ایشیا کے بحران کے دوبارہ سر اٹھانے سے آبنائے ہرمز کے ذریعہ ایل این جی کارگو کی نقل و حرکت متاثر ہوئی ہے۔ نتیجتاً، عالمی ایل این جی کی قیمتیں بحران سے پہلے کی سطح کے مقابلے میں تقریباً دگنی ہو گئی ہیں۔ اندرا پرستھا گیس لمیٹڈ (آئی جی ایل) نے جمعہ کو اعلان کیا کہ ہفتہ سے دہلی اور آس پاس کے شہروں میں سی این جی کی قیمت 3.89 روپے فی کلو بڑھ جائے گی۔

آئی جی ایل نے ایک بیان میں کہا کہ سی این جی کے لیے درکار گیس کا ایک بڑا حصہ درآمدی ایل این جی کے ذریعہ پورا کیا جاتا ہے، اور مغربی ایشیا میں تنازع شروع ہونے کے بعد اس کی قیمتوں میں اضافہ ہوا ہے۔ آئی جی ایل نے کہا، "بین الاقوامی ایل این جی کی قیمتیں بلند رہیں، اور اس نے لاگت کو نمایاں طور پر متاثر کیا ہے۔ اس لیے، سی این جی کی قیمتوں میں اضافے کو جزوی طور پر پورا کرنے کے لیے، 3.89 روپےفی کلو کا اضافہ ضروری ہو گیا ہے۔"