کووڈ وبا کا قہر بڑھتا ہی جا رہا ہے اور اس کے تیزی سے بڑھنے کی وجہ سے حکومت کے بھی ہاتھ پیر پھول گئے ہیں۔ دہلی اور ممبئی میں تو کووڈ کے کیسز کی تعداد بڑھ ہی رہی تھی لیکن اب صوبوں سے بھی ایسی خبریں آ رہی ہیں جس سے تشویش میں اضافہ ہو گیا ہے۔اس تعلق سے حکومت نے ریاستوں کو لکھا ہے کہ وہ اس سے نمٹنے کے لئے تیاری کریں۔
Published: undefined
کووڈ انفیکشن کے بڑھتے ہوئے معاملوں کے پیش نظر مرکزی حکومت نے ریاستوں کو ہدایت دی ہے کہ وہ عارضی کووڈ تشخیصی مراکز قائم کریں مرکزی وزارت صحت وخاندانی فلاح و بہبود کے سکریٹری راجیش بھوشن نے تمام ریاستوں اور مرکز کے زیر انتظام ریاستوں کے چیف سکریٹریوں کو لکھے ایک خط میں کہا ہے کہ انفیکشن کے بڑھتے ہوئے معاملوں کے پیش نظر تیاریاں کی جانی چاہئیں۔ پارکوں، کمیونٹی سینٹرز، ہوٹلوں اور دیگر مقامات پر کووڈ کے علاج کے لیے عارضی مراکز قائم کیے جائیں۔
Published: undefined
خط میں یورپ اور امریکہ میں کووڈ کے بڑھتے ہوئے معاملوں کا حوالہ دیتے ہوئے کہا گیا ہے کہ کورونا وبا کی گزشتہ لہر کے دوران شروع کیے گئے کووِڈ مراکز کو دوبارہ شروع کیا جانا چاہیے۔
Published: undefined
مسٹر بھوشن نے کہا ہے کہ ہلکے انفیکشن والے لوگوں کو گھر میں خود کو الگ تھلگ کرنے کی ترغیب دی جانی چاہئے۔ انہوں نے کہا کہ ریاستوں کو کووڈ ٹیسٹنگ اور نگرانی پر پوری توجہ دینی چاہئے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined