اتر پردیش کے شاہجہاں پور کے لاء کالج کی ایک طالبا کا ویڈیو وائرل ہو رہا ہے ۔ ویڈیو میں طالبا نے کالج کے ڈاریکٹر اور بی جے پی کے سابق رکن پارلیمنٹ سوامی چنمے آنند پر جنسی استحصال اور ڈرانے دھمکانے جیسے سنگین الزام لگائے ہیں ۔ طالبا نے اپنے خاندان کی جان کو خطرہ بھی بتایا ہے ۔ 24 اگست کو سوشل میڈیا پر جنسی استحصال سے متعلق ویڈیو ڈالنے کے بعد سے طالبا غائب ہے۔
Published: undefined
اس معاملہ کو لے کر تنازعہ بڑھنے کے بعد چنمے آنند کے خلاف ایف آئی آر درج کی گئی ہے ۔ شاہجہاں پور کے پولس سپرنٹنڈنٹ ایس چنپا نے کہا ہے ’’سابق مرکزی وزیر چنمے آنند کے خلاف دفعہ364 (قتل کرنے کے لئے اغوا کرانا)، 506 (دھمکانے)کے تحت مقدمہ درج کیا گیا ہے ‘‘۔
Published: undefined
ڈی جی اتر پردیش پولس کے حکم کے بعد بی جے پی رہنما سوامی چنمے آنند کے خلاف ایف آئی آئی درج ہوئی ہے ۔ طالبا کے والد نے اس تعلق سے 25 اگست کو شکایت درج کی تھی اور پولس نے اس وقت صرف گمشدگی کی رپورٹ درج کی تھی۔
Published: undefined
جو ویڈیو وائرل ہوا ہے اس میں طالبا کا کہنا ہے کہ ایک سنت نے کئی لڑکیوں کی زندگی برباد کر دی ہے اور اسی سنت نے اس کی زندگی بھی برباد کی ہے ۔ اس کے پاس سنت کے خلاف سارے ثبوت ہیں ۔ اس کا کہنا ہے کہ سنت بہت طاقتور ہے اور ڈی ایم و ایس پی کو جیب میں رکھتا ہے ۔ ویڈیو اپلوڈ کرنے کے بعد سے طالبا اچانک غائب ہو گئی ہے ۔ ہاسٹل میں رہ رہی طالبا کے غائب ہونے سے اس کے اہل خانہ صدمے میں ہیں اور بہت ڈرے ہوئے ہیں ۔
Published: undefined
دوسری جانب سوامی چنمے آنند کے وکیل نے کہا ہے کہ سوامی کے اوپر تمام الزامات بے بنیاد ہیں ۔ انہوں نے بتایا کہ22 اگست کو ایک انجان فون نمبر سے میسج آیا تھا جس میں بدنام کرنے کی بات کہی گئی تھی اور کہا گیا تھا کہ بدنامی سے بچنے کے لئے پانچ کروڑ روپے دینے ہوں گے ۔وکیل نے کہا کہ جب اس تعلق سے اعلی افسران سے بات کی تو انہوں نے معاملہ کو میڈیا سے دور رکھنے کے لئے کہا اور پولس پورے معاملہ کی جانچ میں لگ گئی ۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: بشکریہ محمد تسلیم
تصویل: کانگریس میڈیا ڈپارٹمنٹ
تصویر: پریس ریلیز
تصویر: بشکریہ محمد تسلیم