قومی خبریں

کال فارورڈ اسکیم: غلطی سے بھی یہ نمبر ڈائل نہ کریں، دھوکہ دہی کا شکار بنایا جا سکتا ہے!

محکمہ ٹیلی کمیونیکیشن نے لوگوں کو مشورہ دیا ہے کہ وہ کال فارورڈنگ کے لیے اپنے موبائل فون کی سیٹنگز چیک کریں

تصویر سوشل میڈیا
تصویر سوشل میڈیا 

نئی دہلی: حکومت ہند کے محکمہ ٹیلی کمیونیکیشن (ڈی او ٹی) نے صارفین کے لیے ایک ایڈوائزری جاری کی ہے، جو غلط ارادے کے ساتھ کی جانے والی نامعلوم فون کالز کے بارے میں ہیں۔ اس میں ملک کے کروڑوں موبائل صارفین کو نئے طریقہ کار کے بارے میں الرٹ کیا گیا ہے۔

Published: undefined

محکمہ ٹیلی کمیونیکیشن نے لوگوں کو ایسی انکمنگ کالز سے چوکنا رہنے کو کہا ہے، جس میں 'اسٹار 401 ہیش' (*401#) ڈائل کرنے کے بعد آپ کو کسی نامعلوم نمبر پر کال کرنے کو کہا جاتا ہے۔ یہ دھوکہ بازوں کو تمام متعلقہ صارفین کی آنے والی کالوں تک رسائی کی اجازت دیتا ہے اور اسے دھوکہ دہی کے لیے استعمال کیا جا سکتا ہے۔

Published: undefined

خیال رہے کہ اگر کوئی صارف 'اسٹار 401 ہیش' ڈائل کرنے کے بعد کسی نامعلوم نمبر پر کال کرتا ہے، تو صارف کے موبائل پر موصول ہونے والی تمام کالز کال کرنے والے نامعلوم شخص کے فون پر 'فارورڈ' ہو جاتی ہیں، اس کے بعد دھاکہ باز اس کا غلط استعمال کر سکتا ہے۔ آج کل اس طرح کے فراڈ کے واقعات میں مسلسل اضافہ ہو رہا ہے۔

Published: undefined

محکمہ ٹیلی کمیونیکیشن نے لوگوں کو مشورہ دیا ہے کہ وہ بدنیتی پر مبنی ایسی انکمنگ کالز کے بارے میں ہوشیار رہیں جس میں انہیں 'اسٹار 401 ہیش' ڈائل کرنے اور پھر ایک نامعلوم نمبر ڈائل کرنے کو کہا جاتا ہے۔ اس طرح کا کالر خود کو کسٹمر سپورٹ کے نمائندے یا ٹیلی کام سروس فراہم کنندہ کے تکنیکی معاون عملے کے طور پر ظاہر کرتا ہے۔

Published: undefined

اس کے بعد وہ کہتا ہے کہ یا تو اس کے سم کارڈ میں کوئی مسئلہ ہے یا پھر نیٹ ورک یا سروس کے معیار سے متعلق کوئی مسئلہ ہے۔ پھر، صارف سے مسئلہ کو حل کرنے کے لیے ایک خصوصی کوڈ ڈائل کرنے کو کہا جاتا ہے۔ یہ کوڈ عام طور پر 'اسٹار 401 ہیش' سے شروع ہوتا ہے اور اس کے بعد موبائل نمبر آتا ہے۔ ایک بار یہ ہو جانے کے بعد، متعلقہ موبائل نمبر پر غیر مشروط کال 'فارورڈنگ' شروع ہو جاتی ہے۔

Published: undefined

جب لوگوں کی موبائل کالز غیر مشروط طور پر نامعلوم موبائل نمبروں پر بھیجنا شروع ہو جاتی ہیں، تو یہ سکیمرز کو تمام آنے والی کالوں تک رسائی کی اجازت دیتا ہے۔ وہ اس کے ذریعے لوگوں کو دھوکہ دیتے ہیں۔

ٹیلی کمیونیکیشن ڈیپارٹمنٹ نے کہا کہ ٹیلی کام سروس فراہم کرنے والے کبھی بھی اپنے صارفین سے 'اسٹار 401 ہیش' ڈائل کرنے کو نہیں کہتے۔ لوگوں کو مشورہ دیا جاتا ہے کہ وہ کال فارورڈنگ کے لیے اپنے موبائل فون کی سیٹنگز چیک کریں اور اگر انہوں نے 'اسٹار 401 ہیش' ڈائل کر کے کال فارورڈنگ کی سہولت فراہم کی ہے تو اسے فوری طور پر بند کر دیں۔

Published: undefined

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔

Published: undefined