جےپور: راجستھان میں بوندی ضلع کے لاکھیر تھانہ علاقے میں پاپڑی گاؤں کے نزدیک آج صبح ایک بس کے ندی میں گرجانے سے تین بچوں اور گیارہ خواتین سمیت 24 لوگوں کی موت ہوگئی اور دیگر پانچ زخمی ہوگئے۔
Published: undefined
پولس کے مطابق یہ لوگ کوٹا سے سوائی مادھوپور شادی کی تقریب میں شرکت کے لئے جا رہے تھے کہ صبح تقریباً ساڑھے 9 بجے علاقے کے پاپڑی گاؤں کے نزدیک کوٹا۔لال سوٹ میگا ہائی وے پر ان کی بس پل پر بے قابو ہوکر موج ندی میں جاگری۔
Published: undefined
واقعہ کی اطلاع ملتے ہی پولس اور انتظامی افسرانجائے واقع پر پہنچ گئے اور بچاؤ کام شروع کر کے ندی سے لوگوں کو باہر نکالا، تب تک 24 لوگوں کی موت ہوچکی تھی۔ مہلوکین میں تین بچے اور گیارہ خواتین شامل ہیں۔ واقعہ میں سنگین طور سے زخمی پانچ لوگوں کو کوٹا اسپتال بھیج دیا گیا ہے۔ بس میں 30 لوگ سوار تھے۔ ضلع انتظامیہ نے ریاستی حکومت کی جانب سے واقعہ میں ہر مہولوکین کے اہل خانہ کو وزیراعلی امدادی فنڈ سے دو دو لاکھ روپے کی امداد دینے کا اعلان کیا ہے۔
Published: undefined
واقعہ پر وزیراعلی اشوک گہلوت نے اپنے رنج وغم کا اظہار کیا ہے۔ اشوک گہلوت نے اس پر دکھ کا اظہار کرتے ہوئے کہا کہ انہیں بوندی ضلع میں ہوئے دردناک واقعہ کے بارے میں جان کر زبردست تکلیف ہوئی ہے جس میں 24 لوگوں کی بس کی ندی میں گرجانے سےجان چلی گئی۔ انہوں نے غمزدہ خاندانوں کے تئیں دلی ہمدردی کا اظہار کیا جنہوں نے اس واقعہ میں اپنے اہل خانہ کو کھو دیا ہے۔ انہوں نے زخمیوں کے فوری صحت مند ہونے کی دعا بھی کی۔
Published: undefined
واقعہ میں ڈپٹی وزیراعلی سچن پائلٹ نے بھی دکھ کا اظہار کرتے ہوئے کہا کہ بوندی کےلاکھیری علاقے میں مسافروں سے بھری بس ندی میں گرنے کے واقعہ میں کئی لوگوں کی موت اور زخمی ہونے کی خبر سے دلی رنج ہوا ہے۔ اس مشکل وقت میں میری دلی ہمدردی مہلوکین کے اہل خانہ کے ساتھ ہے۔ خدا مہلوکین کی روح کو سکون اور زخمیوں کی فوری صحت کی دعا کی۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: محمد تسلیم